Махьтвеест 14 - Махьтвеест Пась‐Евангели 1-22 1878

Ніельлемплогант алкхэш.

¹ Тэн пале ніельле‐валтланч Ирод кулый сагыйт Исус баяс,

² И цилькій иджес паккэлвэзійт: таг ли Эвван рыстей; сон еаллай ямьій горрен, и тэн гуэйк уйнахтем туе туешуввеб соныйн.

³ Ирод эвтель вальдій Эвван, корій сонэ и пиій сіевнис сайя Иродіада гуэйк, вильлись Иллип каппэг гуэйк.

⁴ Тэде мильт што Эвван сарнай сонне: ій шит тонне іеллед соныйн.

⁵ И татай коньтед сонэ, а пэлый олмыйн; тэн гуэйк што сонэ локкеш пророк сайя.

⁶ А куэсь празньюшшиш Ирод шэнтем‐піейве, Иродіада нійт сирій куссій пале, и милдый Ирот сонне.

⁷ Тэн гуэйк сон Иммель‐санійн оштій сонне аньтед, лышша сон мэйт анахч.

⁸ А сон іеннес матьхеммед мильт цилькій: аньт мынне тасьт юде альн Эвван Рыстее уэйве.

⁹ И вырій цар пяцла; а Иммель‐сане гуэйк и тэй гуэйк, кок оррун соныйн, сон пакай аньтед сонне.

¹⁰ И вулкехт Эвнест уэйве чухпед сіевнис пэртест.

¹¹ И похтиш сонэ уэйве юде альн, и эньтиш нійте, и сон выгій еаннась.

¹² А сонэ уэпсуввэе путтин, вальтин сонэ роӈге, и рухкин сонэ; и вулькин и виккин сагэ Исусе.

¹³ И куэсь Исус кулый, вульгій томбет вэнсест пусьт пайхка эхто; а олмо куэсь куллин тэн, вулькин лэннійн ваньцнилле сонэ мильт.

¹⁴ И куэсь Исус ливтій олгус, сон уйпій іеннэг олмнеттед; и шалышт синыйт и тирвхэттій синэ уэе?-?нахтмійт.

¹⁵ Ну куэсь шэндый іекнанч, путтин сонне сонэ уэпсуввэе и цилхкин: пайхк тасьт ли пусьт, и паль ли маӈӈед: лушьт олмыйт, што сій вуэлгчин сійдійт и оастчин иджійдис пормуж.

¹⁶ Ну Исус цилькій сійе: илля мэн гуэйк сійе вулькед; тій аньтед сійе порред.

¹⁷ А сій сарнэб сонне: минест тэн віерьт ли тасьт выт ліейбе и кухт куле.

¹⁸ Сон цилькій: пухтед мынне тигэ синыйт.

¹⁹ И пакай олмыйт ыштед разь элэ, и куэсь сон вальтій выт ліейбе и кухт куле, кичист алма, сон лосславый, лійбійт мурьдій и эньтій уэпсувьійт, а уэпсуввэе эньтин олмыйт.

²⁰ И поррин пук и шэнтин каллас; и копчин куэтьянч куськійт кухтэмплокь тивт корэбеттед.

²¹ А поръеттед ляй альде выт тоафент олмнеттед, нызнійха и парнайха.

²² І вактиньне пякай Исус иджес уэпсувъійт мэннэд вэнсе и суккэд эвтель иджес нумпь пялла, кон сон олмыйт луэшт.

²³ И луштій олмыйт и мэній тіерьме элэ коммэрдэллэд эхто; и іекна эхто куэттый тогэ.

²⁴ А вэнс ляй уже каска міерэ, и сонэ нэмбый гуэйм іевай; тэн мильт што пиӈк ляй вуэста.

²⁵ А няльлянт валвмуш‐пале ыкка пудій сійе Исус, воттэдый міерэ мильт.

²⁶ И уэпсуввэе, куэсь сонэ уйнин міерэ мильт ваньцем, суркнин и сарнун: тат ли сомэ вардэй; и пэлмин кукхэлшкуттин.

²⁷ А Исус вактинне синый гуэйм сарнэшкудій, и цилькій: равнуввед; мун лям, іеллед пэллэд.

²⁸ Піедар сонне цилькій вуэста: Господи! го лях тон, пак мунэ пуэттед тонне чадзе мильт.

²⁹ А сон цилькій: пуэде. И ливтій Піедар вэнсест, вульгій чадзе мильт тэн варас што пуэттед Исузь горра чадзе мильт.

³⁰ А куэсь сон уйній іеннэг пиӈкед, суркен, и готь чацца оаешкудій, сон кукхэлшкудій: Господи, піест мунэ.

³¹ Исус вактиньне сонне эльдинт кидес, туль?-?естій сонэ, и сарн сонне: тон вань‐віерланч! Мэс тон пусьт юртэг юрьтих?

³² И куэсь сій путтин вэнсе, то шэӈ кульхкій.

³³ А кок лійин вэнсест, тэк путтин альтла, коммердин сонне и цилхкин: вуйкест тон лях Иммель альк.

³⁴ И куэсь сій пайель мэннин, путтин Геннисарет іемня.

³⁵ Тэн пайкаш іелее, куэсь сій титтин сонэ, вулкхин пук тэн іемне пыр, и похтиш сонне пукыйт кэблайт.

³⁶ И аннун сонст, нит кускед сонэ аз рявна; и кок кускнин, сій тирвхуввин.