Махьтвеест 13 - Махьтвеест Пась‐Евангели 1-22 1878

Коалмэмплогант алкхэш.

¹ А тэн піейве ливтій Исус пэртест и ыштій міэр‐гурре.

² И коаккань сонне іеннэг олмнеттед, нит што сон мэный вэнсе и ыштій; а олмо пук чуньчун рындест.

³ И сон уэпест синыйт іеннэг арьвдуссій гуэйм, сарнай: кич, ливтій кальвей кальвед.

⁴ И куэсь сон кэльвій, мутам кэччій чухко лузэ; и путтин лоньде, и нухкун тэн.

⁵ Мутам вырій кіедг сайя, коӈге ляй ванас іем?-?неттед; и вактинне шэндэшкудій, тэн гуэйк што ляй іемне сіеӈкь.

⁶ Ну куэсь пайен піейв; кошкешгудій, і кохт сонст ій линч уэньдес, кошкій.

⁷ Мутам кэччій чохкей‐мисткій кэське, и шэнтин чохкей‐мистеге, и сонэ техпин.

⁸ Мутам кэччій шиг іемнья, и путій шантайт; эхт шэндій чуэтсинче, нумпь кутлогелинче, а іерес колмлогелинче.

⁹ Кіест линчин піельле куллэд, ань кул.

¹⁰ И путтин уэпсуввэе и цилхкин сонне: мэн?-?гуэйк арьвдусій‐гуэйм сарнах сійе?

¹¹ Сон сійе цилькій вуэста: тэн‐гуэйк, што тійе ли антанч титтед альм‐царства пяйхтэзійт, а сійе ій лях антанч.

¹² Тэн гуэйк што кіест ли, сонне аньтет и сонст лянч іеннэг; а кіест ій лях, сонст вальтет и тэн ми ли.

¹³ Тэн гуэйк сарнам сійе арьвдусій гуэйм, што сій уйнеб, и іеб уйн, и куллэб и іеб антешт.

¹⁴ И сійе лянч Исайя пророк сарнмуж мильт, ку сарн: кулмужійн кулбеттед и іеппед антешт, и чельмій гуэйм линчбеттед кихчед и іеппед уйн.

¹⁵ Тэн мильт што тэйн олмыйн кутьке шэнтин кэррас, и пильлій‐гуэйм поанналла куллэб, и чельмійдис омпхин, тэн варас што іеб уйнче чельмій гуэйм и іеб кулче пильлій гуэйм, и іеб антшихче кутькійнис, и іеб мацче, што мун синыйт тирвхат?-?чимъ.

¹⁶ А оазлэж ліеб тинэ чальме, готь уйнеб, и тинэ піельле, го куллэб.

¹⁷ Вуйкест тійе сарнам: іеннэг пророкеттед и вуйк‐олмнеттед тахтун уйнед, мэйт тій уйнбеттед, и іеб уйнанч, и куллэд мэйт тій кулбеттед, и сій іеб кулманч.

¹⁸ Те тій куллэд, ми ли арвдэс кальвее баяс.

¹⁹ Юкьинче, ку кулый сане царства баяс и ант?-?шанч ій, поттал тортмас и кышк тэйт іерс сайя, мэк лійин калванч сонэ кутькест: тат ли тэт, ми ляй калванч чуэкас гурре.

²⁰ А ку ляй калванч кіедг‐пайкест, ли тэт, кіе кул сане и раммэст валт сонэ;

²¹ А ій лях сонст уэньтес, и сон ій лях равас; куэсь шант пяццель или вуехемуш сане гуэйк, сон вактиньне віерехув.

²² А ку ляй калванч чохкемъ‐мисткій кэске, ли тэтъ, ку кул сане, а тан альм вул и ваптэг‐вудэ вуе?-?хэлмуш тахп сане, и сон ли шантайха.

²³ А ку ляй калванч шиг іемней альн, ли тэт, кіе кул сане и анташт, ку и ли шантай‐гуэймъ, нит што мутам похт шантайт чуэтлинче, а іерес кутлогелинче, а іерес колмлогелинче.

²⁴ Нумпь арвдэз сон сійе сарнай, и цилькій: альм‐царства ли эвт налла олмыйн, ку кэльвій шиг калвмужійт иджес пилто.

²⁵ А куэсь олмо уттин, пудій сонэ вуэстланч и кэльвій нюэзес разе пшеницай кэске и паго вульгій.

²⁶ Куэсь шэндій суйн и идій шант; танна идій и нюэзес рась?

²⁷ Ну путтин хозьен пакэлвэз и цилхкин сонне: шур олмунч! Ык тон шиг калвмужійт калванч иджант пилто? Кость шыт путтин тогэ нюэзес разь?

²⁸ Ну сон цилькій сійе: вуэстланч туишт тэн. А пакэлвэз сонне цилхкин: татних, мій вулькеп, валь?-?теп синыйт паго?

²⁹ А сон цилькій: ым тат; што тій, куэсь тій вальтбеттед нюэзес разе, іеппед радэче пшеница эвтест синый гуэйм.

³⁰ Куттед эвтест шэнтед сійе тэт и нумпь чухпем райе; и чухпем бале мун цялкам чухпьійт: копчед эвтлест нюэзес разе и коррэд синыйт тохкен, пуэль?-?тем варас; а пшеница копчед мунэ айхта.

³¹ Іерес арвдэз сон сійе пиій, цилькій: альм царства ли эвт налла горчица сіемайн, кон олмунч вальдій и кэльвій иджес пилто,

³² Ку ли уцмус пукый сіемай, а пайдикке куэсь сон шант, ли шурямп пукый шэнтьій, и чунчхув муррэн, нит што пуэттеб альм лоньде и катчэттеб сонэ ув?-?сій вуэлла.

³³ Іерес арвдэз сійе цилькій: альм царства ли эвт налла вашнь‐тайкнійн, кон нызан олмунч вальтій и пиій колм мярра яввэд, кон райя іеб пук куцханч.

³⁴ Пук тэлайте Исус сарнай олмыйт арвдэссен, и арвдэзійха ій сарнанч сійе;

³⁵ Што лянч теде мильт, ми ля сарнанч пайель пророк, ку сарн: мун арвдэзійн аведам иччан няльме, сар?-?нэшкоадам тэн, ми ляй пяйхтанч тан альме сіеттем раест.

³⁶ Танна Исус луштій олмыйт и мэный пэрьхте. И путтин сонне сонэ уэпсуввэе и цилхкин: ціельк мійе арвдэз пялд нюэзес разе варас.

³⁷ А сон сійе цилькій вуэста: ку калв шиг калвмужійт, ли олмо альк.

³⁸ Пялт ли тат альм; шиг калвмуж ліеб царства альге; а нюэзес рась ли тортмэзэ альге;

³⁹ Вуэстланч, ку синыйт кэльвій, ли цуэрьхт; чухпмуш ли тан альме путмуш, а чухпэе ліеб іеӈкал.

⁴⁰ Тан мильт готь копчет нюэзес суйнійт, и толыйн пуэльтет, нит лянч тан альме путтэм пале.

⁴¹ Вулгахт олмо альк иджес іеӈклійт, и сій копчеб сонэ царствест пук вуехэлмужійт и кок іеллеб закон вуэста;

⁴² І суэхпеб синыйт тол‐кивкна, тамбет лянч рякмуш и паній гуэйм кацкмуш.

⁴³ Танна вуйк‐олмо чувнеб, го піейв, иджес адже царствест. Кіест ліеб піельле куллэд, ань култал!

⁴⁴ Вял: альм‐царства ли эвт‐налла пяйхт‐еалайн, ку ли пялдест кахтанч, кон олмунч ковній и пійтій, и раммэст сонэ варас ман и міек пук, ми сонст ли, и оаст тэн пялт.

⁴⁵ Вял: ли альм царства эвт налла кахпьэзійн, ку оц шиг земчугійт,

⁴⁶ Ку куэсь ковній эвт калшес земчуг, вульгій, мигій пук, ми сонст ляй, и устій сонэ.

⁴⁷ Вял: ли альм‐царства эвт налла нутійн, ку ли суэхпма міерре и валт юкке налшем кулійт,

⁴⁸ Кон, куэсь сон шэндій тивтэ, киссиш рынту, ды ыштиш и копчиш шиг (кулійт) астья, а нюэзь суэхпь?-?ин паго.

⁴⁹ Нит лянч тан альме путмен: вулькеб іеӈкал и ратькеб пас олмыйт вуйк олмыйн паго;

⁵⁰ И суэхпьеб синыйт тол кивкна: и тампе лянч луэйхкмуш и кацкьмуш паній гуэйм.

⁵¹ И кэджій синест Исус: антшійт, іеппед тан пук? Сій сарнеб сонне: антшим Господи!

⁵² А сон цилькій сійе: тан мильт ли юкке кирь‐кит, уэпсанч альм‐царство, эвт налла хозьенійн, ку куэнт олгус иджес еал‐айтест от и уэм.

⁵³ И куэс Исус луптій тайт арвдэзійт, вульгій тамбет.

⁵⁴ И куэсь сон пудій иджес адже‐іемня, сон уэпист синыйт синэ синагогыйн, нит што тэвэхушшин, и сарнун: кость сонне мука милвес‐вут и самэ?

⁵⁵ Вае сон пэрхт‐чіепе альк ли? Вае сонэ іен коччай Маріен, и сонэ вильле нэммед мильт Як и Іосій, и Сымман, и Іуда?

⁵⁶ И вай сонэ уэрьпене пук ліеб миній кэскест? Кость танна сонне так пук путтим?

⁵⁷ И віерхуввин сонст. А Исус цилькій сійе: ій ля пророк іерс саест цыстха, го иджес адже‐іемнест и куэдьсес.

⁵⁸ И тампет сон ій туешанч іеннэг уйнахтем туійт синэ віерхемвудэ гуэйк.