Махьтвеест 1 - Махьтвеест Пась‐Евангели 1-22 1878

Вусмус алкхэш.

¹ Исус Христос, Давыд альке, Абрам альке пулдэг сане.

² Абрам сагый Ыссак; Ыссак сагый Яхко; Як сагый Іуда и сонэ вильлійт;

³ Іуда сагый Фарес и Зара Фамарайн; Фарес сагый Эсром; Эсром сагый Арам;

⁴ Арам сагый Аминадав; Аминадав сагый Наассон; Наассон сагый Салмон;

⁵ Салмон сагый Вооз Рахавайн; Вооз сагый Овид Руфійн; Овид сагый Іессей;

⁶ Іессей сагый Давыд царэ; Давыд цар сагый Соломон Урія капка;

⁷ Соломон сагый Ровоам; Ровоам сагый Авія; Авія сагый Аса;

⁸ Аса сагый Іосафат; Іосафат сагый Іорам; Іорам сагый Озія;

⁹ Озія сагый Іоафам; Іоафам сагый Ахаз; Ахаз сагый Езекія;

¹⁰ Езекія сагый Манассія; Манассія сагый Амон; Амон сагый Іосія;

¹¹ Іосія сагый Іоаким; Іоаким сагый Іехонія и сонэ вильлійт, эвтель вялхтэтмужэ Вавилонне.

¹² А маӈӈа Вавилоне вялхтэтмужест Іехонія сагый Салафіил; Салафіил сагый Зоровавел;

¹³ Зоровавел сагый Авіуд; Авіуд сагый Эліаким; Эліаким сагый Азор;

¹⁴ Азор сагый Садок; Садок сагый Ахим; Ахим сагый Еліуд;

¹⁵ Еліуд сагый Елеазар; Елеазар сагый Матфан; Матфан сагый Яхко;

¹⁶ Як сагый Уэськ, Марь куе, кодест шэндій Исус, кохчманч Христоссен.

¹⁷ Нит лейин пук пулвдэг Абрамест Давыд райя неллимп‐локь пулвдэккед; и Давыдест Вавилонэ вялхтэтмужэ райя неллимп‐локь пулвдэккед; и Вавилонэ вялхтэтмужест Христосе райя неллимп‐локь пулдэккед.

¹⁸ Исус Христос шэнтмуш ляй нит: куэсь сонэ іен Марь ляй мидэханч Оаска, эвтель вянцьэттем, шил?-?кын сон еарас Пась‐вуйӈсест.

¹⁹ И Уэськ сонэ куй, ку ляй вуйкед, и ій тахтманч сонэ окнахтед, татай сонэ пяйхтест лушьтед.

²⁰ Ну куэсь сон тан юрьтель; кич, Иммель Іеӈкал идій сонне накрест, и цилькій: Уэськ, Давыд альк! іель пэлэ вальтем Марь, иджант каппэг; тэн‐гуэйк што ли сонэ сисн шэнтей Пась‐вуйӈсест.

²¹ Лянч сон шэнтед альге, и тон линчих сонне сарнед нэмэ: Исус; тэн‐гуэйк што сон лянч олмыйдис піестед синэ рикійн.

²² А тат пук шэндій, што лянч Имлійн сарнманч пайель пророк, ку цялхк:

²³ Кич, нійт лянч еарас, и шант альк, и коч?-?чешкуэттеб сонне нэмэ Эммануил, ку лянч: миный?-?гуэйм Иммель.

²⁴ Коццай Уэськ уэтьмен и туйшешкудій мэйт сонне Иммель Іеӈкал пакай, и вальтій капкес.

²⁵ И сон ій тіеттанч сонэ тэн райя, што куэсь сон путій Альге, вусмус альгес; и сон пиій сонне нэмэ: Исус.