UJobe 25 - IBHAYIBHELI ELINGCWELE

Inkulumo yesithathu kaBilidadi: akukho okuhlambulukile emehlweni kaNkulunkulu

¹ Wayesethatha uBilidadi umShuhi, wathi:

² “Ukubusa nokwesabeka kukuye owenza ukuthula ezindaweni zakhe eziphakemeyo.

³ Ukhona yini ongabala izimpi zakhe, nokukhanya kwakhe akuphumeli bani na?

⁴ Pho, umuntu angalunga kanjani kuNkulunkulu, nozelwe ngowesifazane angahlambuluka kanjani, na?

⁵ Bheka, nenyanga ayinankazimulo, nezinkanyezi azihlambulukile emehlweni akhe.

⁶ Pho, kakhulu kangakanani umuntu oyimpethu, nendodana yomuntu eyisibungu, na?”