AmaHubo 36 - IBHAYIBHELI ELINGCWELE

Ububi babantu nomusa kaNkulunkulu

Kumholi wokuhlabelela. ElikaDavide, inceku kaJehova.

¹ Inkulumo yesiphambeko komubi, isekujuleni kwenhliziyo yami, ithi: Akukho ukumesaba uNkulunkulu phambi kwamehlo akhe.

² Ngokuba ukonakala kwakhe kuyamthopha emehlweni akhe, ukuze kungafunyanwa, azondeke ngakho.

³ Amazwi omlomo wakhe angukona nenkohliso; ukuyekile ukuhlakanipha nokwenza okulungileyo.

⁴ Uceba okubi ecansini lakhe, uzimisa endleleni engalungile; okubi kakwenyanyi.

⁵ Jehova, ububele bakho bufinyelela ezulwini, nokuthembeka kwakho kuze kube semafwini.

⁶ Ukulunga kwakho kunjengezintaba ezinkulukazi, ukwahlulela kwakho kulutwa olukhulu; usindisa abantu nezilwane, Jehova.

⁷ Ububele bakho, Nkulunkulu, buyigugu elingaka; abantwana babantu bakhosela ethunzini lamaphiko akho.

⁸ Bayakusutha ngamanoni endlu yakho, ubaphuzise okomfula wokuthokoza kwakho.

⁹ Ngokuba ukuwe umthombo wokuphila; ekukhanyeni kwakho siyakubona ukukhanya.

¹⁰ Mawume umusa wakho kubo abakwaziyo, nokulunga kwakho kubo abaqotho ngenhliziyo.

¹¹ Unyawo loziqhenyayo malungangifikeli; nesandla somubi masingangixoshi.

¹² Bheka, bawile abenza okubi; bawiswe phansi, abasenakuvuka.