AmaHubo 128 - IBHAYIBHELI ELINGCWELE

Inhlanhla yekhaya lomuntu oqotho

Igama lokukhuphuka.

¹ Babusisiwe bonke abamesabayo uJehova, abahamba ngezindlela zakhe.

² Ngokuba uyakudla umsebenzi wezandla zakho; uyakuba nenhlanhla nempumelelo.

³ Umkakho uyakuba njengomnqumo othelayo phakathi kwendlu yakho, abantwana bakho babe njengezithombo zomnqumo, bezungeza itafula lakho.

⁴ Ngokuba bheka, kanjalo iyakubusiswa indoda emesabayo uJehova.

⁵ UJehova makakubusise eseSiyoni; uyakubona inhlanhla yaseJerusalema zonke izinsuku zokuphila kwakho.

⁶ Uyakubona abantwana babantwana bakho. Ukuthula makube phezu kuka-Israyeli.