AmaHubo 127 - IBHAYIBHELI ELINGCWELE

Zonke izibusiso zivela kuJehova

Igama lokukhuphuka. ElikaSolomoni.

¹ Uma uJehova engayakhi indlu, basebenzela ize abayakhayo; uma uJehova engalondolozi umuzi, umlindi wawo ulindela ize.

² Kuyize kini ukuba nivuke ekuseni, nephuze ukuphumula, nidle isinkwa sezinhlupheko, ngokuba uyamupha othandiweyo wakhe esalele.

³ Bheka, abantwana bayifa elivela kuJehova, isithelo sesisu singumvuzo.

⁴ Njengemicibisholo esandleni seqhawe banjalo abantwana bobusha.

⁵ Ibusisiwe indoda emgodla wayo ugcwele bona; abayikujabha lapho bekhuluma nezitha zabo esangweni.