AmaHubo 123 - IBHAYIBHELI ELINGCWELE

Umkhuleko wocela ukusizwa ezidelelini

Igama lokukhuphuka.

¹ Ngiyaphakamisela kuwe amehlo ami, wena ohlezi ezulwini.

² Bheka, njengamehlo ezinceku ekuzo izandla zamakhosi azo, namehlo encekukazi ekuso isandla senkosikazi yayo, kanjalo amehlo ethu akuye uJehova uNkulunkulu wethu, aze abe nomusa kithi.

³ Sihawukele, Jehova sihawukele, ngokuba sesidiniwe kakhulu ngukudelelwa.

⁴ Umphefumulo wethu udiniwe kakhulu ngukweyisa kwabaziqhenyayo nokudelela kwabazidlayo.