AmaHubo 120 - IBHAYIBHELI ELINGCWELE

Umkhuleko wocela ukusizwa ekukhohliseni kwezitha

Igama lokukhuphuka.

¹ Ekuhluphekeni kwami ngakhala kuJehova, wangiphendula.

² Jehova, hlenga umphefumulo wami emlonyeni wamanga nasolimini lwenkohliso.

³ Uyakuvuzwa ngani, uyakwenezelelwani wena lulimi lwenkohliso, na?

⁴ Imicibisholo ebukhali yeqhawe namalahle omlilo.

⁵ Maye kimi! Ngokuba ngigogobele kwaMesheke, ngihlezi ematendeni akwaKedari.

⁶ Umphefumulo wami sekukade wahlala naye ozonda ukuthula.

⁷ Ngingowokuthula; kepha uma ngikhuluma, bangabalwayo.