AmaHubo 100 - IBHAYIBHELI ELINGCWELE

Isiyalezo sokumdumisa uJehova

Ihubo lokudumisa.

¹ Hlokoma kuJehova ngezwi lokuhalalisa, mhlaba wonke.

² Mkhonzeni uJehova ngokujabula, nisondele ebusweni bakhe ngokuhuba kwentokozo.

³ Yazini ukuthi uJehova unguNkulunkulu; nguye osenzileyo, akuthina, sibe ngabantu bakhe nezimvu zedlelo lakhe.

⁴ Ngenani emasangweni akhe ngokubonga, nasemagcekeni akhe ngokudumisa; mbongeni, nibusise igama lakhe.

⁵ Ngokuba muhle uJehova; umusa wakhe umi phakade, nokuthembeka kwakhe ezizukulwaneni ngezizukulwane.