UNehemiya 12 - IsiZulu 2020

Abaphristi NabaLevi Ababuya NoZerubhabhele

¹ Nampa abaphristi nabaLevi ababuya noZerubhabhele, indodana kaSheyalitiyeli noJeshuwa: uSeraya, uJeremiya, u-Ezra,

² u-Amariya, uMalukhi, uHathushi,

³ uShekhaniya, uRehumi, uMeremothi,

⁴ u-Ido, uGinethoyi, u-Abhiya,

⁵ uMijamini, uMahadiya, uBhiliga,

⁶ uShemaya, uJoyaribi, uJedaya,

⁷ uSalu, u-Amoki, uHilikiya noJedaya. Labo babeyizinhloko zabaphristi nezabafowabo, emihleni kaJeshuwa.

⁸ AbaLevi: uJeshuwa, uBhinuwi, uKadimiyeli, uSherebhiya, uJuda, uMathaniya owayengamele amahubo okudumisa, nabangani bakhe,

⁹ uBhakibhukiya, u-Uno nabafowabo, bemaqondana nabo ngezigaba.

¹⁰ UJeshuwa wazala uJoyakimi; uJoyakimi wazala u-Eliyashibhi; u-Eliyashibhi wazala uJoyada;

¹¹ uJoyada wazala uJonathani; uJonathani wazala uJaduwa.

¹² Emihleni kaJoyakimi, izinhloko zoyise babaphristi kwakuyilezi: ekaSeraya: nguMeraya; ekaJeremiya: nguHananiya;

¹³ eka-Ezra: nguMeshulamu; eka-Amariya: nguJehohanani;

¹⁴ ekaMalukhi: nguJonathani; ekaShebhaniya: nguJosefa;

¹⁵ ekaHarimi: ngu-Adina; ekaMerayothi: nguHelekayi;

¹⁶ eka-Ido: nguZakhariya; ekaGinethoni: nguMeshulamu;

¹⁷ eka-Abhiya: nguZikhiri; ekaMiniyamini, ekaMohadiya: nguPhilithayi;

¹⁸ ekaBhiliga: nguShamuwa; ekaShemaya: nguJehonathani;

¹⁹ ekaJoyaribhi: nguMathenayi; ekaJedaya: ngu-Uzi;

²⁰ ekaSalayi: nguKalayi; eka-Amoki: ngu-Ebhere;

²¹ ekaHilikiya: nguHashabhiya; ekaJedaya: nguNethaneli.

²² AbaLevi babhalwa emihleni ka-Eliyashibhi, noJoyada, noJohanani, noJaduwa; njengezinhloko zemindeni yoyise nabaphristi ekubuseni kukaDariyu, umPheresiya.

²³ Abozalo lukaLevi izinhloko zoyise abalotshwa encwadini yezindaba zemihla ngemihla, kwaze kwaba sezinsukwini zikaJohanani indodana ka-Eliyashibhi.

²⁴ Izinhloko zabaLevi nazi: uHashabhiya, uSherebhiya noJeshuwa, indodana kaKadimiyeli, nabafowabo bebhekene nabo bedumisa, bebonga njengemiyalo kaDavide, umuntu kaNkulunkulu, isigaba sibhekene nesigaba.

²⁵ UMathaniya, uBhakibhukiya, u-Obhadiya, uMeshulamu, uThalimoni no-Akhubhi babengabalindisango, belinda izindlu zokubekelela ngasemasangweni.

²⁶ Labo babekhona ezinsukwini zikaJoyakimi, indodana kaJeshuwa, kaJozadaki, nasezinsukwini zikaNehemiya umbusi, nomphristi u-Ezra, umbhali.

Umkhosi Wokubusiswa Kogange

²⁷ Ngomkhosi wokubusiswa kogange eJerusalema abaLevi bafunwa ezindaweni zabo zonke, ukuba bayiswe eJerusalema ukuyogubha umkhosi ngentokozo, ngokubonga, ngokuhlabelela, ngamasimbali, ngezigubhu nangamahabhu.

²⁸ Amaqembu abaculi abuthana evela ethafeni elalizungeze iJerusalema, nasemizaneni yabaLevi,

²⁹ naseBhethi Giligali, nasemasimini eGebha, nase-Azimavethi, ngokuba babezakhele imizana nxazonke zeJerusalema.

³⁰ Abaphristi nabaLevi base bezihlambulula; bahlambulula nabantu, amasango nogange.

³¹ Ngase nginyusela phezu kogange abaholi bakwaJuda, ngabeka izigaba ezimbili ezinkulu ezazibonga, zahlaba ihele; esinye sahamba ngakwesokunene sogange, saya ngaseSangweni Lomquba;

³² emva kwaso kwahamba uHoshaya nengxenye yabaholi bakwaJuda,

³³ u-Azariya, u-Ezra, uMeshulamu,

³⁴ uJuda, uBhenjamini, uShemaya, uJeremiya

³⁵ namadodana athile abaphristi ephethe amacilongo: uZakhariya kaJonathani, kaShemaya, kaMathaniya, kaMikhaya, kaZakhuri, ka-Asafa

³⁶ nabafowabo uShemaya, u-Azareli, uMilalayi, uGilalayi, uMahayi, uNethaneli, uJuda noHanani, bephethe izinto zokubethwa zikaDavide, umuntu kaNkulunkulu; u-Ezra, umbhali, engaphambi kwabo.

³⁷ NgaseSangweni Lomthombo, phambi kwabo, bakhuphuka ngezikhwelo zomuzi kaDavide, ezikhwelweni zogange, ngasenhla kwendlu kaDavide, kwaze kwaba seSangweni Lamanzi, empumalanga.

³⁸ Esinye isigaba saya ngakwesokhohlo, mina ngasilandela nengxenye yabantu ogangeni, ngasenhla kombhoshongo wezithando, kwaze kwaba soGangeni Olubanzi,

³⁹ nangenhla kweSango Lakwa-Efrayimi, naseSangweni Elidala, eSangweni Lenhlanzi, eMbhoshongweni KaHananeli, eMbhoshongweni KaHameya, naseMbhoshongweni Wekhulu, kwaze kwaba seSangweni Lezimvu; bema eSangweni Lejele.

⁴⁰ Zase zima endlini kaNkulunkulu lezo zigaba zombili zababongayo, nami nezikhulu engangihamba nazo;

⁴¹ nabaphristi u-Eliyakimi, uMahaseya, uMiniyamini, uMikhaya, u-Eliyohenayi, uZakhariya, noHananiya, bephethe amacilongo,

⁴² noMahaseya, uShemaya, u-Eleyazare, u-Uzi, uJehohanani, uMalikhiya, u-Elamu, no-Ezeri. Abahlabeleli bahlabelela bebhidiswa ngumphathi wabo, uJizirahiya.

⁴³ Banikela ngemihlatshelo emikhulu ngalolo lusuku, bathokoza, ngokuba uNkulunkulu wayebathokozise ngentokozo enkulu; abesifazane nabantwana bathokoza, kwezwakala kude ukuthokoza kweJerusalema.

Ukugcinwa Kwezipho Ethempelini Nokuqoqwa Kokweshumi

⁴⁴ Ngalolo lusuku kwaqokwa amadoda okuqapha amagumbi lapho kwakugcinwe khona izipho ethempelini; izithelo zokuqala, nokweshumi kwamabele, nokwezithelo, minyaka yonke. Lawo madoda ayehambele yonke imizi ukuyoqoqa umkhiqizo owawunikelelwa ukunakekela abaphristi nabaLevi, njengalokhu kubhaliwe emthethweni. Bonke abantu bakwaJuda babewuthokozela umsebenzi owenziwa ngabaphristi nabaLevi,

⁴⁵ ngoba yibona ababenza isiko lokuhlanza abantu ngokwemithetho kaNkulunkulu wabo, njengoba kwakwenza abahlabeleli nabalindisango, ngokomyalo kaDavide noSolomoni, indodana yakhe.

⁴⁶ Kusukela kudala, ngezinsuku zikaDavide no-Asafa, kwakunabaholi babaculi, behola amaculo okudumisa nokubonga uNkulunkulu,

⁴⁷ ezinsukwini zikaZerubhabhele noNehemiya, wonke u-Israyeli wanikela ingxenye yansuku zonke ukubonelela abaculi nabalindisango. Bahlukanisa lokho okwakungokwabaLevi, nabaLevi bakuhlukanisela abozalo luka-Aroni.