UJoshuwa 19 - IsiZulu 2020

Isabelo Sesizwana SakwaSimeyoni

¹ Unkatho lwesibili lwadla uSimeyoni. Isizwana sabozalo lukaSimeyoni ngemindeni yaso ifa laso laliphakathi kwefa labozalo lukaJuda.

² Ifa laso kwaba yiBheri Sheba, iShebha, iMolada,

³ iHazari Shuwali, iBhala, i-Ezeme,

⁴ i-Elitholadi, iBhethuli, iHorma,

⁵ iZikilagi, iBhethi Marikabhothi, iHazari Susa,

⁶ iBhethi Lebhawothi, neSharuheni. Isiyonke kuyimizi eli-13 nemizana yayo.

⁷ I-Ayini, iRimoni, i-Ethere, ne-Ashani, kuyimizi emine nemizana yayo,

⁸ nayo yonke imizana eyayizungeze le mizi kuze kuyofika eBhalathi Bheri, iRama eningizimu. Lokho kwakuyifa lesizwe sakwaSimeyoni ngokwemindeni yaso.

⁹ Ifa labozalo lukaSimeyoni laliyingxenye yendawo yabozalo lukaJuda, ngokuba ingxenye yabozalo lukaJuda yayinkulu kunaso, ngalokho-ke abozalo lukaSimeyoni bathola ifa labo phakathi kwelabakwaJuda.

Isabelo Sesizwaba SakwaZebuloni

¹⁰ Unkatho lwesithathu lwadla abozalo lukaZebuloni ngokwemindeni yabo. Umngcele wesabelo sabo wawufinyelela eSaridi;

¹¹ wenyukele ngasentshonalanga kuze kube seMarala, eDabheshethi, nasemfuleni ongasempumalanga eJokhineyamu,

¹² ujike eSaridi, ubheke ngasempumalanga lapho kuphuma khona ilanga, uze uyofika emngceleni eKhisilothi Thabhori, usuke lapho ubheke eDabherathi, bese wenyukela eJafiya;

¹³ usuke lapho wedlule ngasempumalanga yeGathi Heferi, uye e-Ethi Khazini, uqhubekele eRimoni, ujikele eNeya.

¹⁴ Ngasenyakatho, umngcele uyajika ubheke eHanathoni uze uyophelela esigodini i-Ifita Eli;

¹⁵ naseKhatha, eNahalali, eShimroni, eJidala, naseBhethlehema, leyo mizi ili-12 nemizana yayo.

¹⁶ Yileso-ke isabelo sabozalo lukaZebuloni ngokwemindeni yabo, leyo mizi nemizana yayo.

Isabelo Sesizwana Sakwa-Isakhare

¹⁷ Unkatho lwesine lwadla u-Isakhare, abozalo luka-Isakhare ngemindeni yabo.

¹⁸ Indawo yabo kwakuyiJizreyeli, iKhesulothi, iShunemi,

¹⁹ iHafarayimi, iShiyoni, i-Anaharathi,

²⁰ iRabhithi, iKhishiyoni, i-Ebhezi,

²¹ iRemethi, i-Eni Ganimi, i-Eni Hada, iBhethi Phazezi;

²² umngcele wabo uze ufinyelele eThabhori, eShahazuma, naseBhethi Shemeshi; uze uphele eJordani, imizi eli-16 nemizana yayo.

²³ Yileso-ke isabelo sesizwe sabozalo luka-Isakhare ngemindeni yabo, le mizi nemizana yayo.

Isabelo Sesizwana Sakwa-Asheri

²⁴ Unkatho lwesihlanu lwadla abozalo luka-Asheri ngemindeni yabo.

²⁵ Umngcele wabo kwakuyiHelikhathi, iHali, iBhetheni, i-Akhishafu,

²⁶ i-Alamelekhi, i-Amadi, neMishali; ngasentshonalanga uze ufinyelele eKharimeli naseShihori Libhinathi;

²⁷ ujike ubheke empumalanga uye eBhethi Dagoni, uze ufike kwaZebuloni nasesigodini i-Ifitha Eli enyakatho ukuya eBhethi Emekhi naseNeyiyeli, uqhubeke ngasenyakatho ubheke eKhabhuli;

²⁸ e-Ebhironi, eRehobhi, eHamoni, eKhana, uze uyofika eSidoni Elikhulu,

²⁹ bese umngcele ujika uya eRama, uze uyofinyelela emzini obiyelweyo eThire; umngcele bese ujika uye eHosa, uze uyophela olwandle e-Akhizibhi;

³⁰ e-Uma, e-Afekhi, naseRehobhi, imizi enga-20 nemizana yayo.

³¹ Yileso-ke isabelo sesizwana sabozalo luka-Asheri ngemindeni yaso, nemizi nemizana yayo.

Isabelo Sesizwana SakwaNafethali

³² Unkatho lwesithupha lwadla abozalo lukaNafethali ngemindeni yabo.

³³ Umngcele wabo wawusuka eHelefi kulo i-okhi eZahananimi, e-Adamu Nekhebhi, naseJabhineyeli, uze uyofika eLakhumi; uphele eJordani,

³⁴ bese uyajika umngcele ubheke ngasentshonalanga e-Azinothi Thabhori; udlule lapho uye eHukhokhi, uze uyofika kwaZebuloni ngaseningizimu, nakwa-Asheri ngasentshonalanga, nakwaJuda ngaseJordani ngasempumalanga.

³⁵ Imizi ebiyelwe kwakuyiZidimi, iZeri, iHamathi, iRakhathi, iKhinerethi,

³⁶ i-Adama, iRama, iHazori,

³⁷ iKedeshi, i-Edireyi, i-Eni Hazori,

³⁸ iJireyoni, iMigidaliyeli, iHoremi, iBhethi Anathi, iBhethi Shemeshi, nemizi eli-19 nemizana yayo.

³⁹ Yileso-ke isabelo sesizwana sabozalo lukaNafethali ngemindeni yaso, imizi nemizana yayo.

Isabelo Sesizwana SakwaDani

⁴⁰ Unkatho lwesikhombisa lwadla isizwana sabozalo lukaDani ngemindeni yaso.

⁴¹ Indawo eyayiyifa laso kwakuyiZora, i-Eshithawoli, i-Iri Shemeshi,

⁴² iShahalabhini, i-Ajaloni, iJithila,

⁴³ i-Eloni, iThimna, i-Ekhroni,

⁴⁴ i-Elithekhe, iGibhethoni, iBhalathi,

⁴⁵ iJehudi, iBhene Bherakhi, iGathi Rimoni,

⁴⁶ iMe Jarikhoni, iRakhoni esemngceleni obhekene neJopha.

⁴⁷ Kwathi ukuba abozalo lukaDani balahlekelwe ngumngcele wabo, bakhuphuka balwa neLeshemu, balidla, balibhubhisa ngenkemba, balithatha, bakha kulo, base belibiza iLeshemu ngokuthi yiDani, beliqamba ngegama likaDani uyise.

⁴⁸ Yileso-ke isabelo sesizwana sabozalo lukaDani ngemindeni yaso, imizi nemizana yayo.

Isabelo SikaJoshuwa

⁴⁹ Sebeqedile ukwaba izwe ngokwezizwe, nangokwemingcele yalo, abakwa-Israyeli banika uJoshuwa, indodana kaNuni, ifa lakhe phakathi kwabo.

⁵⁰ Ngokomyalo kaSimakade bamnika umuzi ayewucelile, iThiminathi Sera kwelezintaba kwa-Efrayimi; wawakha kabusha umuzi, wahlala kuwo.

⁵¹ Yilawo-ke amafa abiwa ngonkatho ngu-Eleyazare, umphristi, uJoshuwa, indodana kaNuni nezinhloko zoyise bezizwana zabantu bakwa-Israyeli eShilo, phambi kukaSimakade, emnyango wethende lokuhlangana. Ngakho-ke baqeda ukwehlukanisa izwe.