AmaHubo 85 - IsiZulu 2020

Isizwe SikaNkulunkulu Sicelelwa Isibusiso Esisha

Kumholi wokuhlabelela. Elamadodana kaKhora. Ihubo

¹ Simakade, ulibusisile izwe lakho, wamenzela inhlalakahle futhi uJakobe.

² Walisusa icala labantu bakho, wazisibekela zonke izono zabo. Sela

³ Uyihoxisile yonke intukuthelo yakho, waphenduka ekuvutheni kolaka lwakho.

⁴ Sibuyise, Nkulunkulu wensindiso yethu, uyeke ukusicasukela.

⁵ Uzohlala usithukuthelele yini na? Ulaka lwakho ulwedlulisele phezu kwezizukulwane ngezizukulwane na?

⁶ Awuzukusivusa yini, sibuye siphile, ukuze abantu bakho bathokoze ngawe na?

⁷ Sikhombise ububele bakho, Simakade, usiphe insindiso yakho.

⁸ Ngizokuzwa lokho uNkulunkulu uSimakade azokusho, uzosho ukuthula kubantu bakhe, nakulabo abamesabayo. Mabangabuyeli ebuwuleni!

⁹ Impela insindiso yakhe iseduzane nabamesabayo, ukuze inkazimulo yakhe ihlale ezweni lakithi.

¹⁰ Kuyakuhlangabezana umusa neqiniso, kwangane ukulunga nokuthula.

¹¹ Iqiniso liyovumbuka emhlabeni, ukulunga kubheke phansi kusezulwini.

¹² USimakade uyoveza okuhle, nezwe lethu liyothela izithelo zalo.

¹³ Ukulunga kuyohamba phambi kwakhe, kuhlelembele izinyawo zakhe indlela.