AmaHubo 8 - IsiZulu 2020

Indodana Yomuntu Nenkazimulo Yayo

Kumholi wokuhlabelela. NgeGititi. Ihubo likaDavide

¹ Simakade, Nkulunkulu wethu, yeka ukubabazeka kwegama lakho emhlabeni wonke! Wena obeke inkazimulo yakho phezu kwamazulu.

² Emlonyeni wezingane nowabancelayo, umisile amandla ngenxa yezitha zakho, ukuze ushabalalise isitha nomphindiseli.

³ Lapho ngibuka izulu lakho, umsebenzi weminwe yakho, inyanga nezinkanyezi okumisileyo,

⁴ uyini umuntu ukuba umkhumbule, nendodana yomuntu ukuba uyinake na?

⁵ Umenzile waba ngaphansana kukaNkulunkulu, wamthwesa umqhele wodumo nobukhosi,

⁶ umenze wabusa phezu kwemisebenzi yezandla zakho; wakubeka konke phansi kwezinyawo zakhe:

⁷ zonke izimvu, izinkomo, izilwane zasendle,

⁸ izinyoni zezulu, izinhlanzi zasolwandle nakho konke okuhamba ezindleleni zolwandle.

⁹ Simakade, Nkulunkulu wethu igama lakho libabazeka kangaka emhlabeni wonke!