AmaHubo 54 - IsiZulu 2020

Umkhuleko Wocela Ukuvikelwa Ezitheni

Kumholi wokuhlabelela. Ngogubhu. IMaskili likaDavide ekufikeni kwabaseZifi bethi kuSawule: “UDavide ucashile kithina”

¹ Nkulunkulu, ngisindise ngegama lakho, ngamandla akho ungehlulele.

² Yizwa umkhuleko wami, Nkulunkulu, ubeke indlebe emazwini omlomo wami.

³ Abafokazi bangivukele, izidlova zizingela impilo yami. Azimgqizi qakala uNkulunkulu. Sela

⁴ Bheka, uNkulunkulu ungumsizi wami. INkosi igcina umphefumulo wami.

⁵ Iyokuphindisela okubi okwenziwe yizitha zami; zibhubhise ngeqiniso lakho.

⁶ Ngizonikela kuwe ngenkululeko, ngibonge igama lakho Simakade, ngokuba lihle.

⁷ Igama lakho lingikhulule kuzo zonke izinkathazo, iso lami lizibonile izitha zami zinqotshwa.