AmaHubo 47 - IsiZulu 2020

UNkulunkulu Ungumbusi Wezinto Zonke

Kumholi wokuhlabelela. Elamadodana kaKhora. Ihubo

¹ Zizwe zonke, shayani izandla, hlokomani ngezwi lokuhalalisa kuNkulunkulu.

² Ngokuba uSimakade Ophezukonke uyesabeka, uyiNkosi enkulu phezu komhlaba wonke.

³ Izizwe wazithobisa zaba phansi kwethu, nabantu phansi kwezinyawo zethu.

⁴ Wasikhethela ifa lethu, udumo lukaJakobe amthandayo. Sela

⁵ UNkulunkulu wenyuke ngenhlokomo, uSimakade ngokukhala kwecilongo.

⁶ Hubelani uNkulunkulu, mdumiseni! Hubelani iNkosi yethu, hubani!

⁷ UNkulunkulu uyinkosi yomhlaba wonke, hubani ihubo!

⁸ UNkulunkulu ubusa izizwe, uNkulunkulu uhlezi esihlalweni sakhe sobukhosi esingcwele.

⁹ Izikhulu zabantu zibuthene, zibe yisizwe sikaNkulunkulu ka-Abhrahama, ngokuba izihlangu zomhlaba zingezikaNkulunkulu, uphakeme kakhulu.