AmaHubo 3 - IsiZulu 2020

Umkhuleko Wokucela Ukukhululwa

Ihubo likaDavide ebalekela u-Absalomu, indodana yakhe

¹ Simakade, ziningi izitha zami. Baningi abangivukelayo.

² Baningi abathi ngami: “Akukho ukukhululwa kwakhe kuNkulunkulu.” Sela

³ Kepha Wena Simakade uyisihlangu kimi, uludumo lwami nophakamisa ikhanda lami.

⁴ Ngakhala kuSimakade ngezwi lami; wangiphendula esentabeni yakhe engcwele. Sela

⁵ Ngabeka uhlangothi phansi, ngazunywa ngubuthongo; ngavuka, ngokuba uSimakade ungisekele.

⁶ Angiyukuzesaba izindimbane zabantu abangihaqe nxazonke.

⁷ Vuka, Simakade, ngisindise Nkulunkulu wami. Uzishayile zonke izitha zami emihlathini; wawawohloza amazinyo ezonakali.

⁸ Insindiso ingekaSimakade; isibusiso sakho masibe kubantu bakho. Sela