AmaHubo 137 - IsiZulu 2020

Ukukhala Kwabathunjwa Ngasemifuleni EBhabhele

¹ Ngasemifuleni eBhabhele sahlala khona, sakhala, lapho sikhumbula iZiyoni.

² Amahabhu ethu sawaphanyeka eminyezaneni eyayilapho.

³ Ngokuba ababesithumbile bacela ukuba sihlabelele ihubo, nabahluphi bethu bafuna ukujatshuliswa, bethi: “Sihlabeleleleni amanye amahubo aseZiyoni.”

⁴ Siyakulihlabelela kanjani ihubo likaSimakade sikwelinye izwe na?

⁵ Uma ngikhohlwa wena Jerusalema, isandla sami sokunene masikhohlwe ubuciko baso.

⁶ Ulimi lwami malunamathele olwangeni lwami, uma ngingakukhumbuli, uma ngingaphakamisi iJerusalema phezu kwentokozo yami enkulu.

⁷ Khumbula, Simakade, usuku lweJerusalema, ngenxa yabakwa-Edomi, abathi: “Dilizani, dilizani, kuze kube sesisekelweni salo.”

⁸ Ndodakazi yaseBhabhele, wena oyobhujiswa, ubusisiwe oyophindisela kuwe ngezenzo zakho owazenza kithina.

⁹ Ubusisiwe obamba izingane zakho aziphahlaze edwaleni.