AmaHubo 13 - IsiZulu 2020

Umkhuleko Wokucela Usizo

Kumholi wokuhlabelela. Ihubo likaDavide

¹ Simakade, kuyoze kube nini ungikhohliwe unomphela na? Kuyoze kube nini ungifihlela ubuso bakho na?

² Kuyoze kube nini ngithwele ubuhlungu emphefumulweni wami, nosizi enhliziyweni yami, usuku lonke na? Kuyoze kube nini isitha singiqonela na?

³ Ngibheke, ungiphendule, Simakade, Nkulunkulu wami. Letha injabulo emehlweni ami, ngingaze ngilale ubuthongo bokufa;

⁴ funa isitha sami, sithi: “Ngimehlule.” Nabamelene nami bajabule ngokuba nginqotshiwe.

⁵ Kepha mina ngethembele emseni wakho, inhliziyo yami mayethabe ngensindiso yakho.

⁶ Ngizohlabelela kuSimakade ngokuba ungenzele okuhle.