AmaHubo 128 - IsiZulu 2020

Isibusiso Sowesaba USimakade

Ihubo lokukhuphuka

¹ Ubusisiwe wonke umuntu owesaba uSimakade, ohamba ngezindlela zakhe.

² Uyakudla okwezikhwepha zakho, ubusiseke, ube nempumelelo.

³ Umkakho uyakuba njengomvini othelayo emzini wakho, abantwana bakho babe njengezithombo zomnqumo, bahlale bazungeze itafula lakho.

⁴ Ngokuba iyobusiswa kanjalo indoda emesabayo uSimakade.

⁵ Sengathi uSimakade angakubusisa eseZiyoni, ubone impumelelo yeJerusalema, zonke izinsuku zokuphila kwakho,

⁶ ubone abantwana babantwana bakho. Ukuthula makube phezu kuka-Israyeli.