AmaHubo 122 - IsiZulu 2020

Ukukhulekela Ukuthula KweJerusalema

Ihubo lokukhuphuka. ElikaDavide

¹ Ngajabula lapho bethi kimi: “Masiye endlini kaSimakade.”

² Izinyawo zethu sezimi emasangweni akho, Jerusalema,

³ Jerusalema, wena owakhiwe njengomuzi ohlanganiswe waqina,

⁴ lapho imindeni ikhuphukela khona, imindeni kaSimakade, ngokomthetho wakwa-Israyeli, ukuba idumise igama likaSimakade.

⁵ Ngokuba izihlalo zokwehlulela zimiswe khona, izihlalo zobukhosi zendlu kaDavide.

⁶ Khulekelani ukuthula kweJerusalema: “Abakuthandayo mabaphumelele.

⁷ Makube nokuthula phakathi kwezingange zakho, nempumelelo ezigodlweni.”

⁸ Ngenxa yabafowethu nabangani bethu ngizothi manje: “Makube khona ukuthula kuwe.”

⁹ Ngenxa yendlu kaSimakade uNkulunkulu wethu, ngiyokufunela okuhle.