AmaHubo 121 - IsiZulu 2020

Ukwethemba Usizo LukaNkulunkulu

Ihubo lokukhuphuka

¹ Ngiphakamisela amehlo ami ezintabeni, usizo lwami luyakuvelaphi na?

² Usizo lwami luvela kuSimakade, owenzile izulu nomhlaba.

³ Akayukuluvumela unyawo lwakho lushibilike; okulondayo akozeli.

⁴ Impela olonda u-Israyeli akozeli, futhi akalali.

⁵ USimakade ungumvikeli wakho, uSimakade ungumthunzi wakho ngasesandleni sakho sokunene.

⁶ Ilanga aliyukukushaya emini, nenyanga ebusuku.

⁷ USimakade uzokuvikela kukho konke okubi, awugcine umphefumulo wakho.

⁸ USimakade uyolondoloza ukuphuma kwakho nokungena kwakho, kusukela manje kuze kube phakade.