AmaHubo 100 - IsiZulu 2020

Umhlaba Mawuhlokome Udumise USimakade

Ihubo lokudumisa

¹ Hlokoma kuSimakade ngezwi lokuhalalisa, mhlaba wonke.

² Mkhonzeni uSimakade ngokwethaba, nisondele phambi kwakhe, nihuba ngentokozo.

³ Yazini ukuthi uSimakade unguNkulunkulu; nguYena osidalileyo, asizidalanga thina, singabantu bakhe, nezimvu zedlelo lakhe.

⁴ Ngenani emasangweni akhe ngokubonga, nasemagcekeni akhe ngokudumisa, mbongeni, nidumise igama lakhe.

⁵ Ngokuba uSimakade muhle, umusa wakhe umi phakade, nokwethembeka kwakhe, ezizukulwaneni ngezizukulwane.