1 iziKronike 9 - IsiZulu 2020

Ababuya Ekuthunjweni Bahlala EJerusalema

¹ U-Israyeli wonke wabhalwa ngezizukulwane zakhe encwadini yamakhosi akwa-Israyeli. UJuda wathunjelwa eBhabhele ngenxa yeziphambeko zakhe.

² Abahlala kuqala emizini eyifa labo kwakungu-Israyeli, abaphristi, abaLevi namaNethini.

³ EJerusalema kwakuhlala abakwaJuda, abakwaBhenjamini, nabakwa-Efrayimi, noManase:

⁴ u-Uthayi ka-Amihudi ka-Omri ka-Imri kaBhani, kwabozalo lukaPherezi kaJuda.

⁵ KumaShiloni: kwakungu-Asaya, izibulo, namadodana akhe.

⁶ Kumadodana kaZera: kunguJehuweli nabafowabo, bengama-690.

⁷ Kumadodana kaBhenjamini: kwakunguSalu kaMeshulamu kaHodaviya kaHasenuwa,

⁸ u-Ibhineya, indodana kaJerohamu, u-Ela ka-Uzi kaMikhiri, uMeshulamu kaShefathiya kaRehuweli kaJibhiniya,

⁹ nabafowabo, ngezizukulwane zabo, bengama-956. Bonke laba bantu babeyizinhloko zezindlu zoyise, ngokokhokho babo.

Abaphristi Ababehlala EJerusalema

¹⁰ Kubaphristi: kwakunguJedaya, uJehoyaribi, uJakhini,

¹¹ u-Azariya kaHilikiya, kaMeshulamu, kaZadoki, kaMerayothi, ka-Ahithubi, umphathi wendlu kaNkulunkulu.

¹² No-Adaya kaJerohamu, kaPhashuri, kaMalikhiya, uMahasayi ka-Adiyeli, kaJahizera, kaMeshulamu, kaMeshilemithi, ka-Imeri,

¹³ nabafowabo, beyizinhloko zezindlu zokhokho babo, beyi-1 760, amadoda ahlakaniphile emsebenzini wenkonzo endlini kaNkulunkulu.

AbaLevi Ababehlala EJerusalema

¹⁴ KubaLevi: kwakunguShemaya kaHashubhi, ka-Azirikamu, kaHashabhiya, kwabozalo lukaMerari.

¹⁵ KunguBhakibhakari, uHereshi, uGalali, uMathaniya kaMikha, kaZikhiri, ka-Asafa,

¹⁶ u-Obhadiya kaShemaya, kaGalali, kaJeduthuni, uBherekhiya ka-Asa, ka-Elikhana owayehlala emizaneni yamaNethofa.

Abalindisango Ababehlala EJerusalema

¹⁷ Abalindisango kwakunguShalumi, u-Akubhi, uThalimoni, u-Ahimani, nabafowabo; uShalumi wayeyinhloko.

¹⁸ Kwaze kwaba yileso sikhathi bengabalindi besango lenkosi ngasempumalanga; babengabalindisango benkambu yabozalo lukaLevi.

¹⁹ UShalumi kaKhore, ka-Ebhiyasafa, kaKhora, nabafowabo bendlu kayise, amaKhorahi; babephethe umsebenzi wenkonzo, bengabalindi bompheme wethabanakeli. Okhokho babo babengabalindisango benkambu kaSimakade.

²⁰ UFinehasi, indodana ka-Eleyazare owayebengamele ngesikhathi esidlulileyo, uSimakade wayenaye.

²¹ UZakhariya, indodana kaMeshelemiya wayengumlindisango ethendeni lokuhlangana.

²² Bonke ababekhethwe ukuba babe ngabalindisango babengama-212. Babhalwa ngezizukulwane zabo emizaneni yabo. UDavide noSamuweli, umboni, bababeka ezikhundleni zabo.

²³ Bona nabozalo lwabo babephethe amasango endlu kaSimakade, indlu yethende, beyiqapha.

²⁴ Kwakukhona abalindisango ezinhlangothini zozine: ngasempumalanga, entshonalanga, enyakatho, nangaseningizimu.

²⁵ Abafowabo emizaneni yabo babengena njalo emveni kwezinsuku eziyisikhombisa, izikhathi ngezikhathi, ukuba babe nabo.

²⁶ Abalindi abane abakhulu ababengabaLevi babesesikhundleni njalo, bengamele amakamelo nengcebo endlini kaNkulunkulu.

²⁷ Ebusuku babehlala beyizungeza indlu kaNkulunkulu, ngokuba yibona okwakumele bayiqaphe, bayivule futhi ekuseni, imihla ngemihla.

²⁸ Abanye babengamele izitsha zenkonzo, ngokuba zazibalwa zingeniswa, zibalwe zikhishwa.

²⁹ Abanye babo babebheka impahla, izitsha zonke zendlu engcwele: impuphu, iwayini, amafutha, inhlaka namakha.

³⁰ Abanye bamadodana abaphristi babegxoba amakha abe ngamafutha.

³¹ UMathithiya, omunye wabaLevi, owayeyizibulo likaShalumi, umKhorahi, wayenesikhundla sokubheka ukwenziwa kwamakhekhe ayizicaba okuthiwa amaweyifa emabhodweni.

³² Abanye abafowabo bamadodana amaKhohathi babengamele izinkwa zokubukwa ukuba bazilungise ngawo wonke amasabatha.

³³ Abanye abahlabeleli babeyizinhloko zezindlu zoyise zabaLevi, besemakamelweni, bekhululiwe kweminye imisebenzi, ngokuba babesemsebenzini imini nobusuku.

³⁴ Labo babeyizinhloko zezindlu zawoyise babaLevi, izinhloko ezizukulwaneni zabo, babehlala eJerusalema.

³⁵ EGibheyoni kwakuhlala uyise kaGibheyoni, uJehiyeli; igama lomkakhe kunguMahakha,

³⁶ Izibulo lakhe kwakungu-Abhidoni elanywe uZuri, uKhishi, uBhali, uNeri, uNadabi,

³⁷ uGedori, u-Ahiyo, uZakhariya, noMikhilothi.

³⁸ UMakhilothi wazala uShimeyamu. Wahlala nabafowabo eJerusalema.

³⁹ UNeri wazala uKishi; uKishi wazala uSawule; uSawule wazala uJonathani, uMalikhi Shuwa, u-Abhinadaba, no-Eshi Bhali.

⁴⁰ Indodana kaJonathani kwakunguMeribhi Bhali. UMeribhi Bhali wazala uMikha.

⁴¹ Amadodana kaMikha: kwakunguPhithoni, uMelekhi, uThareya no-Ahazi.

⁴² U-Ahazi wazala uJara; uJara wazala u-Alemethi, u-Azimavethi, uZimri; uZimri wazala uMosa;

⁴³ uMosa wazala uBhineya, uRefaya, u-Eleyasa, u-Azeli.

⁴⁴ U-Azeli wayenamadodana ayisithupha, nanka amagama awo: kwakungu-Azirikamu, uBhokheru, u-Ishmayeli, uShehariya, u-Obhadiya noHanani. Bonke laba kwakungamadodana ka-Azeli.