1 iziKronike 24 - IsiZulu 2020

Izigaba Zamadodana Ka-Aroni

¹ Nazi izigaba ozalweni luka-Aroni. Amadodana ka-Aroni: nguNadabi, u-Abhihu, u-Eleyazare no-Ithamari.

² UNadabi no-Abhihu bafa kuqala kunoyise, bengenabantwana. U-Eleyazare no-Ithamari bakhonza bengabaphristi.

³ UDavide, uZadoki, omunye wozalo luka-Eleyazare, no-Ahimeleki, wozalo luka-Ithamari, babehlukanisa ngezigaba zabo, ngokomsebenzi wabo.

⁴ Ozalweni luka-Eleyazare kwatholakala amadoda amaningi ayizinhloko kunasozalweni luka-Ithamari. Ahlukaniswa kanje: ozalweni luka-Eleyazare kwakukhona abali-16 ababeyizinhloko zezindlu zokhokho, nasozalweni luka-Ithamari kwatholakala abayisishiyagalombili ngokwezindlu zokhokho.

⁵ Bahlukaniswa ngokonkatho, ngokuba phakathi kwabo kwakukhona izikhulu zendlu engcwele nezikhulu zikaNkulunkulu ozalweni luka-Eleyazare noluka-Ithamari.

⁶ UShemaya, indodana kaNethaneli, umbhali ongumLevi, waloba phambi kwenkosi, nezikhulu, naphambi kukaZadoki, umphristi, no-Ahimeleki, indodana ka-Abhiyathara, nezinhloko zoyise, abaphristi nabaLevi. Enye indlu yoyise yayivela ku-Eleyazare, enye ivela endlini ka-Ithamari.

⁷ Unkatho lokuqala lwadla uJehoyaribi, olwesibili uJedaya,

⁸ olwesithathu uHarimi, olwesine uSehorimi,

⁹ olwesihlanu uMalikhiya, olwesithupha uMijamini,

¹⁰ olwesikhombisa uHakhosi, olwesishiyagalombili u-Abhiya,

¹¹ olwesishiyagalolunye uJeshuwa, olweshumi uShekhaniya,

¹² olwe-11 u-Eliyashibhi, olwe-12 uJakhimi,

¹³ olwe-13 uHupha, olwe-14 uJeshebheyabe,

¹⁴ olwe-15 uBhiliga, olwe-16 u-Imeri,

¹⁵ olwe-17 uHeziri, olwe-18 uHaphizezi,

¹⁶ olwe-19 uPhethahiya, olwama-20 uJehezekeli,

¹⁷ olwama-21 uJakini, olwama-22 uGamuli,

¹⁸ olwama-23 uDelaya, nolwama-24 uMahaziya.

¹⁹ Lezi kwakuyizigaba zabo ngokomsebenzi wabo, ukuba bangene endlini kaSimakade ngokomthetho ababewunikwe ngesandla sika-Aroni, uyise, njengalokho uSimakade uNkulunkulu ka-Israyeli ayemyalile.

Abaseleyo Emadodaneni KaLevi

²⁰ Abaseleyo emadodaneni kaLevi kwakuyilaba: emadodaneni ka-Amramu nguShubhayeli; emadodaneni kaShubhayeli nguJehedeya.

²¹ KuRehabhiya: emadodaneni kaRehabhiya: nguJishiya, inhloko.

²² KumaJizihari: nguShelomothi; emadodaneni kaShelomothi: nguJahathi.

²³ Amadodana kaHebhroni: nguJeriya, inhloko, owesibili ngu-Amariya, owesithathu nguJahaziyeli, owesine nguJekhameyamu.

²⁴ Indodana ka-Uziyeli: nguMikha; indodana kaMikha nguShamiri.

²⁵ Umfowabo kaMikha nguJishiya. Indodana kaJishiya nguZakhariya.

²⁶ Amadodana kaMerari: nguMaheli, noMushi; indodana kaJahaziya nguBheno.

²⁷ Amadodana kaMerari: nguJahaziya, uBheno, uShohamu, uZakhuri no-Ibhiri.

²⁸ KuMaheli: ngu-Eleyazare, ongabanga namntwana.

²⁹ KuKhishi: indodana kaKhishi nguJerameli.

³⁰ Amadodana kaMushi: nguMaheli, u-Edere noJerimothi. Yilaba-ke ababengamadodana abaLevi ngezindlu zokhokho babo.

³¹ Nalaba benza unkatho njengabafowabo, amadodana ka-Aroni phambi kukaDavide, inkosi, uZadoki, u-Ahimeleki, nezinhloko zawoyise, abaphristi nabaLevi; omkhulu kubo kanjalo nomfowabo omncane.