Жохан 3 1 - Zhana Osiet

¹ Ақсақал қымбатты бауыры Гайға өзінің шынайы сүйіспеншілігін білдіріп, оған сәлем жолдайды.

² Сүйікті бауырым, мен сенің рухани жетістікке қалай жеткеніңді ескере отырып, сенің барлық жағынан әлі де жетілгеніңді, әрі деніңнің сау болғанын тілеймін.

³ Өйткені осында келіп-кетіп жүрген бауырластардың айтқан куәліктерінен сенің шындық жолынан таймай, тура жүргенің туралы естіп, қуанып қалдым.

⁴ Ал өз балаларымның шындық жолымен жүрген сәттері туралы есту - ол мен үшін үлкен қуаныш.

⁵ Сүйікті бауырым, сенің өз бауырларың мен жат жерліктер үшін істеп жүрген осы бір іс-әрекетің -өте игілікті іс-әрекет.

⁶ Себебі, кейбір бауырластар қауымның алдына шығып, сенің оларға көрсеткен сүйіспеншілігіңе риза болғандарын куәлік ретінде жеткізді, себебі сенің оларды Құдайға ұнамды жолмен шығарып салғандағы сол -іс-әрекетін, ісің оларға өз пайдасын әкелді,

⁷ өйткені олар өзге ұлттың өкілдерінің арасында жүрген кезде, Құдайдың атына кір келтірмеу үшін олардан еш нәрсе алмай, сол жерден шығып кетті.

⁸ Егер де біз осындай жағдайға түсіп қалғандардың қамын ойлайтын болсақ, тек сонда ғана біз шындықтың қызметкерлері бола аламыз.

⁹ Осы туралы мен қауымға да жазып жіберген болатынмын, алайда олардың арасында бірінші басшы болуды жақсы көретін Диотреф бізді қабылдамай қойды.

¹⁰ Егер де мен осы сол жаққа барып қалсам, оның осы істеген істерімен, бізді жағымсыз сөздермен жамандап жүргенін оның есіне салмақпын, өйткені ол өзінің сол бауырларымызды қабылдамай қойғанын қанағат тұтпай, оған қоса сол істі істеймін деп ұмтылғандарға кедергі жасап, оларды қаумнан қуып шығарып жіберді.

¹¹ Сүйікті бауырым жамандық жасауға емес, жақсылық жасауға еліктеңдер. Жақсылық жасаушы Құдайдың адамы, ал жамандық жасаушы ол Құдайды әлі көрген жоқ.

¹² Ал енді Деметріге келсек, бәрі ол туралы жақсы куәліктер айтып жүр, ал олардың ол туралы айтқаны -шындық. Мына біз де ол туралы жақсы куәлік бере аламыз, өйткені біздің ол туралы айтатын куәлігімізде де шындық жатыр.

¹³ Саған әлі де көп нәрселерді жазып жібергім келді, алайда оларды саған сия мен қалам арқылы айтып жеткізгім келмеді.

¹⁴ Сені алда көремін деген үмітім бар, өзіңмен сол сағатта ауыз ба - ауыз сөйлесермін.

¹⁵ Саған тыныштық тілеймін! Сенің осы жақтағы достарың саған сәлем жолдайды. Сол жақтағы достарымыздың әрқайсысының атын атап, біздің айтқан сәлемімізді оларға да жеткіз.