Жохан 1 5 - Zhana Osiet

¹ Кімде -кім Исаның Мәсіх екеніне сенсе, сол Құдайдан туылған болып саналады, ал кімде-кім Құдайдан туылғанды сүйсе, онда ол Құдайдан туылған балаларды да сүйеді.

² Егер де біз Құдайды сүйюмен қатар, Оның бізге берген өсиеттерін орындайтын болсақ, осы арқылы Біз Құдайдың баларын сүйетінімізді білдіреміз.

³ Өйткені Құдайға деген сүйіспеншілік -Оның өсиеттерін орындау болып табылады, ал Оның өсиеттерін орындау аса да ауыр емес,

⁴ өйткені Құдайдан туылып, Құдайдың балалары атанған әркім осы әлемді жеңеді, ал осы әлемді жеңіп, бізді жеңіске жеткізетін: ол-біздің сеніміміз.

⁵ Өйткені Исаны Құдайдың Ұлы деп сенгендер осы әлемді жеңбесе, сонда кім оны жеңеді?

⁶ Ал Иса Мәсіх-Ол осы әлемге су мен қан арқылы келді; Оған тек су ғана емес, сонымен қатар сумен бірге қан, әрі осыған Рух та куәлік береді, өйткені Рух-ол шындық.

⁷ Сонымен осы үшеуі куәгер, яғни біздегі куәгер үшеу,

⁸ олар: рух, су және қан, осы үшеуі біртұтас.

⁹ Негізі біз адамдардың айтқан куәліктерін қабылдай береміз, алайда Құдайдың куәлігі одан да үлкен әрі салмақты өйткені бұл -Құдайдың куәлігі, өйткені Құдайдың куәлігінде Оның Ұлы туралы айтылады.

¹⁰ Ал Құдайдың Ұлына сенетін адам өзіне берілген куәлікпен жүреді, ал Құдайға сенбейтін адам, Құдайды өтірікші етіп көрсетеді, өйткені ол Құдай Өзінің Ұлы туралы айтқан куәлікке сенген жоқ.

¹¹ Себебі Бұл куәлікте Құдайдың бізге берген мәңгілік өмірі туралы айтылады, ал Сол мәңгілік өмір -Оның Ұлында.

¹² Сондықтан кім Ұлды қабылдаса сол адам сол өмірге ие болады, ал кімде-кім Құдайдың Ұлын қабылдамаса, сол адам сол өмірге де ие бола алмайды.

¹³ Ал Мен сендерге сол туралы жазған кезде, сендерде сол мәңгілік өмірдің бар екенін, яғни Оның Ұлының атына сенгендерге мәңгілік өмірдің берлігенін білсін деп жазып отырмын.

¹⁴ Міне, сондықтан біз Құдайға деген сенімде нық тұра аламыз, сонымен қатар біз Оның еркіне сай Одан не сұрасақ, Ол соған құлағын тосып тыңдайды.

¹⁵ Сонымен біз Құдай біздің сұрағанымызға құлағын тосып тыңдайтынын білеміз, оған қоса біз өтініп сұрағанымызды Одан алатынымызды да білеміз.

¹⁶ Өлімге апармайтын күнә да бар, егер де біреу біздің бауырымздың біреуі өлімге апармайтын күнә жасағанын көрсе, сол Құдайдан «оған өмір бер» деп сұрасын, сонда оған Құдай өмір береді. Ал енді өлімге апаратын күнә де бар, ол жайында сұраңдар деп айтпаймын.

¹⁷ Кез келген заңсыз әрекет-ол күнә және өлімге апармайтын күнә де бар.

¹⁸ Кімде-кім Құдайдың баласы болып туылса, соның күнә жасамайтынын да біз білеміз. *Өйткені Құдайдан туылған адам өзін-өзі күнәдан сақтап жүреді, сондықтан зұлымдық оған жолай алмайды.

¹⁹ Біз өзіміздің Құдайдан екенімізді, яғни өзіміздің Құдаймен қарым қатынаста тұрғанымызды білеміз, алайда мына әлем толығымен зұлымдықтың ортасында жатыр.

²⁰ Сондықтан біздің білетініміз мынау: Құдайдың Ұлы бізге келді, әрі бізге шындықты білдіретін ой сана берді, сондықтан біз шындықпен жүреміз, яғни біз Оның Ұлы Иса Мәсіхтеміз. Міне, біз үшін шынайы Құдай-Сол, әрі мәңгілік өмір де - Сол.

²¹ Балаларым, өздеріңді пұтқа табынушылықтан сақтаңдар.