Жохан 1 3 - Zhana Osiet

¹ Қараңдаршы Әкенің бізге берген сүйіспеншілігі қандай: -біз «Құдайдың балалары» деген атқа ие болдық, шындығында нақты солай да. Сондықтан осы әлем бізді білмейді, өйткені осы әлем Оны таныған жоқ.

² Сүйікті бауырларым, қазіргі кезде біз нақты Құдайдың балаларымыз, ал одан кейін бізбен не болатыны белгісіз. Ол Өзін ашып көрсету үшін келген кезде, біздің Оған ұқсас екенімізді сонда білеміз, өйткені біз Оның қандай екенін тек сол кезде ғана көреміз.

³ Ал енді кімде осындай үміті бар, яғни Оған үміт артып, сол үмітпен жүрген әркім өзін-өзі тазалайды, сөйтіп таза болады.

⁴ Ал енді кімде -кім күнә жасайтын болса, сол заңның талаптарын бұзушы болып саналады, яғни күнә дегеніміз -заң бұзушылық.

⁵ Өздерің білесіңдер, Ол сол күнәні алып тасату үшін, Ол Өзін анық ашып көзге көрініп келді, ал Оның бойында күнә болған емес.

⁶ Кімде -кім Онымен бірге қалып, Онымен бірге болса сол күнә жасамайды, ал енді кім де кім күнә жасайтын болса, онда Ол оны көрген жоқ, ол Оны білмейді де.

⁷ Балалар, ешкім сендерді алдап кетіп жүрмесін, кім әділдіктің жолын қуып, әділ болуға тырысса, сол әділ адам болып саналады, яғни ол да Сол секілді әділ болады.

⁸ Ал күнә жасайтын адам-ол әзәзілдің адамы, өйткені ең басында күнә жасаған әзәзіл болатын. Ал енді Құайдың Ұлы сол әзәзілдің ісін талқандау үшін келді.

⁹ Сонымен кім Құайдан туылса, сол күнә жасамайды, өйткені оның бойында Құдайдың тұқымы өмір сүреді, сондықтан ол күнә жасай алмайды, сол үшін ол Құдайдан туылған болып саналады.

¹⁰ Құдайдың балаларымен әзәзілдің балаларының бейнесін мынадан көруге болады. Егер де кімде-кімнің іс-әрекеті әділетті болмаса, онда ол Құдайдан емес, яғни ол өз бауырын сүймейді.

¹¹ Өйткені өздерің басынан бастап естіп жүрген ізгі хабарда: - өзара бір-бірлеріңді сүйіңдер деп айтылған.

¹² Зұлымдықтың жетегіне еріп, өз бауырын өлтіріп алған Қабыл сияқты болмаңдар. Ол бауырын не үшін өлтірді? Өйткені оның істеген істері зұлымдықтарға толы болды, сондықтан ол соны істеді, ал оның бауырының істеген ісі әділетті болатын.

¹³ Сондықтан бауырластар, осы әлем сендерді жек көріп жатса, сендер соған таңқалмаңдар.

¹⁴ Ал біз өзіміздің өлімнен өтіп, өмірге кеткенімізді білеміз, сондықтан біз бауырластарымызды сүйеміз, ал өз бауырластарын сүймейтіндер өлімнің жетегінде қалды.

¹⁵ Сонымен егер де кімде -кім өз бауырын жек көретін болса, онда ол кісі өлтіруші, ал кімде-кім кісі өлтіретін болса, сол оның өзіне берілген мәңгілік өмірге ие бола алмайды.

¹⁶ Біз сүйіспеншіліктің қандай екенін мынадан білеміз, Мәсіх біз үшін Өз өмірін қиды, сол секілді біз де енді өз жанымызды қиып, оны бауырларымыз үшін беруге тиіспіз.

¹⁷ Егер де осы әлемнің байлығына ие болған біреу, өз бауырының мұқтаждығын көре тұра көрмегендей болып, өзінің жүрегін солай жауып тасатса, оның бойында Құдайдың сүйіспеншілігі орын алды ма?

¹⁸ Балаларым, біздің сүйіспеншілігіміз тек сөзбен немесе тілмен ғана емес, керісінше іспен дәлелденуі тиіс әрі ол шынайы болуы қажет.

¹⁹ Себебі біз осылай жүрсек, тек сонда ғана біз өзіміздің шындықпен жүргенімізді білеміз және Оның алдында жүрген біз өз жүрегімізді соған көндіреміз,

²⁰ ал егер де біздің жүрегіміз біздің өзімізді айыптайтын болса, біздің жүрегімізден де үлкен Құдайдың бар екенін ұмытпайық, Ол бәрін біледі.

²¹ Сүйікті бауырластарым, егер де біздің жүрегіміз өзімізді айыптамайтын болса, онда біз еш қорқынышсыз батылдықпен Құдайға жақындай аламыз.

²² Сонда біз Одан не сұрасақ сол сұрағанымзды Одан аламыз, өйткені біз Оның алдына келіп, Оның өсиеттерін орындап, Оған ұнайтын істерді істеп жүрміз.

²³ Ал Оның бзге берген өсиеті мынау: -Оның Ұлы Иса Мәсіхтің атына сеніп, бір-бірімізді сүйіп, Оның берген осы өсиетіне сай өмір сүру.

²⁴ Кім Оның осы өсиетін орындайтын болса, сол Онымен бірге қалады, ал Ол сол адамда қалады, ал Оның бізде қалатынын, әрі Оның бізбен бірге болатынын біз -бізге берілген Рухтан білеміз.