Жақыптың хаты 2 - Zhana Osiet

¹ Менің бауырластарым, даңқы биік біздің Иеміз Иса Мәсіхке деген сенімдеріңде екі жүзділік болмасын.

² Өйткені, егер де сендердің синагогаларыңа қолына алтын жүзік тағып, ал үстіне жарқыратып киім киіген бір ер адамен қоса киімі кір бір кедей адам кіретін болса

³ сендер әлгі жарқырап киініп алған адамға қарап: -сенің мына жерге отырғаның дұрыс болады, ал кедейге: -Сен менің аяқ жағымдағы ана жерге барып отыр, -деп айтатын болсаңдар,

⁴ онда сендер ортаны бөліп-жарып жік салып, арам ойлы төрешілер болып кетпейсіңдер ме?

⁵ Менің сүйікті бауырластарым, мынаны тыңдаңдаршы: -Құдай осы әлемдегі кедейлерді сенімге бай болғандықтан таңдап алып, оларды Өзі уәде еткен Патшалықтың мұрагерлері етті емес пе?

⁶ Ал сендер сол кедейлердің абыройын төгіп жүрсіңдер. Алайда өздеріңе қарсы шығу үшін күш салатын да, сендерді сотқа сүйрейтін де, сол байлар емес пе?

⁷ Өздеріңе тағылған жақсы атты да қорлап, тіл тигізіп дат айтатындар да солар емес пе?

⁸ Егер де Патшаның жазбадағы: -Өзіңді қалай сүйсең, жақыныңды да солай сүй, -деп айтып кеткен заңын орындап жүрсеңдер, онда жақсы іс атқарып жүрсіңдер.

⁹ Ал егер де осы арада екі жүзділік танытсаңдар, онда күнә жасадыңдар, енді сендер қылмыскер секілді тек заң арқылы әшкереленетін боласыңдар.

¹⁰ Себебі, кім де кім заңды толығымен орындап келіп, тек оның біреуінен сүрініп кетсе, сол барлық жерде күнәлі болып шығады.

¹¹ Ал заңда: «Неке адалдығын бұзба» деп те, «кісі өлтіруші болма» деп те айтылған, ал егер де сен: Неке адалдығын бұзбай, оның орнына кісі өлтіріп қойсаң, онда сен заңды бұздың, яғни сен енді заң бойынша қылмыскер боласың.

¹² Сонымен қалай сөйлесеңдер де, не істесеңдер де бәрін тек заңда көрсетілген бостандыққа сай істеңдер.

¹³ Өйткені кім мейрім танытпаса, оған сот та мейірімсіз болады, ал мейірімділік соттан үстем.

¹⁴ Менің бауырластарым, егер де біреу менің сенімім бар деп айтқанымен, оның істеп жүрген істері соған сай болмаса, оның сол айтқанынан не пайда? Тек бір ғана сенім оны құтқара ала ма?

¹⁵ Егер де сенің бауырың, не болмаса әкпе -қарындасың киетін киім мен күнделікті ішетін астан мұқтаждық көріп жүрсе,

¹⁶ ал араларыңдағы біреулерің оларға: -Тыныштықпен барып жылынып алыңдар, тойып тамақ жеп алыңдар, -деп айтқанымен олардың сол тәніне қажетті мұқтаждығын ол оларға бере алмайтын болса, оның қандай пайдасы бар?

¹⁷ Сеніммен де дәл солай, егер де оның игі де пайдалы ісі болмаса, соның өзі оның өлі екенін білдіреді.

¹⁸ Ал енді біреу былай деп айтуы мүмкін: «Сенде сенім бар, ал менде игілікті ісім бар,» -деп. Олай болса сен маған сенімсіз істеген игі ісіңді көрсет, ал мен өзім істеген игі істерім арқылы саған өз сеніміді көрсетемін.

¹⁹ Сен Құдайдың бар екеніне, Оның біреу екеніне сенесің бе? Онда оның жақсы: -Алайда соған жындар да сенеді әрі Оның алдында қалтырап, дірілдейді.

²⁰ Ей ақылсыз адам: -Іс әрекетсіз сенімнің жеміссіз болатынын сен білгің келе ме?

²¹ Біздің әкеміз Ыбырайым, өзінің Ұлы Ысқақты құрбандық шалатын орынға апарған кезде, көрсеткен ісі, әрекеті арқылы әділетті болып танылды емес пе?

²² Көрдің бе, сенім оның сол ісіне қолдау көрсетті, сөйтіп оның сол ісі арқылы оның сенімі кемелдідікке жетті.

²³ Ал Осы туралы жазбада: -Ыбырайым Құдайға сенді, сол арқылы ол әділ адам әрі Құдайдың досы атанды, -деп жазылған болатын, іс жүзінде сол сөз орындалды.

²⁴ Міне, көрдіңдер ме, адам тек қана сеніммен ғана емес, оған қоса игілікті ісімен де атқалып, әділетті бола алады.

²⁵ Сол сияқты жеңіл жүріспен жүрген Рахаб та өзі істеген игі ісі арқылы әділетілік танытты, ол барлаушыларды қарсы алып, оларды басқа жолмен шығарып салған ісі арқылы ақталып, әділетті адам атанды емес пе ?

²⁶ Жансыз дененің өлі болатынындай, сенім де игі Ісәрекет болмаса, ол - өлі сенім.