Титке хат 3 - Zhana Osiet

¹ Оларға бастықтарға билікке бағынуды, мойынсұнуды, кез келген игі іске дайын болуды естеріне түсір,

² ешкімді балағаттамасын, ұрысқақ емес, ақ пейілді, барлық адамдарға кішіпейілдік көрсетсін.

³ Бір кезде біз де ақылсыз, бағынбайтын, адасқан, әр түрлі тілектер мен ләззаттарға қызмет етіп, зұлымдық пен қызғанышта болдық, жиіркенішті, бір-бірімізді жек көруші болдық қой.

⁴ Біздің Құтқарушы Құдайымыздың қайырымдылығы мен адам сүйгіштігі көрсетілген кезде,

⁵ істеген әділдік істерімізге бола емес, Өзінің мейірімі бойынша бізді тазарту, қайта тудыру және Киелі Рухтың жаңаруы арқылы құтқарды,

⁶ Оны Ол бізге біздің Құтқарушымыз Иса Мәсіх арқылы жаудырды,

⁷ Оның рақымымен ақталған біз мәңгілік өмірге деген үмітпен мұрагер болуымыз үшін.

⁸ Мына сөз рас және осы туралы саған бекітіп айтам, Құдайға сеніп жақсы істерді басқарудың қамын ойласын. Бұл адамдарға жақсы және пайдалы;

⁹ ақымақ тартыстардан, шежіреден, айтыстардан, заң жүзіндегі шайқастардан аулақ бол, олар пайдасыз әрі бос әуре.

¹⁰ Жалған ілімнің адамынан бірінші және екінші ақылға салудан кейін теріс айнал,

¹¹ мұндай адам бұзылып кеткен және өзін айыпты еткен, ол күнә жасайтынын біл.

¹² Саған Артемді немесе Тихикті жіберген кезде, маған Никопольға жетуге асық, мен сол жерде қыстауды ұйғардым.

¹³ Зенас заңшыл мен Аполлосты тездетіп жолға шығарып сал, олар ештеңеден таршылық көрмесін.

¹⁴ Жеміссіз болып қалмас үшін біздікілер де қажет кезінде жақсы істерді басқаруға үйренсін.

¹⁵ Саған менімен бірге болғандардың бәрі сәлем айтуда. Бізді сенімде жақсы көретіндерге сәлем айт. Рақымдылық сендердің бәріңмен бірге.