Тимотейге 2 4 - Zhana Osiet

¹ Сонымен Оның патшалығының келгені анық, сондықтан тірілер мен өлілерді соттай алатын Құдай мен Мәсіх Исаның алдында мынаны жалынып сұраймын,

² тек Құдайдың сөзін уағызда, оған уақытыңның ыңғайы келсе де уағызда, келмесе де уағызда, ыңғайы келіп жаста әшкереле, сөгіс бер, жігерлендір, сөйтіп барлық тәліміңді төзімділікпен атқаратын бол.

³ Өйткені дұрыс тәлімді қабылдамайтын уақып келеді, сөйтіп адамдар тек өздері қалайтын жеке құмарлықтарына беріліп, тек өздерінің құлақ құрышын қандырып жағымды сөздер айтып беретін тәлімгердерді қастарына жинап алып,

⁴ құлақтарымен шындықты тыңдауан бас таратып, керісінше құлақтарын ертегілерге бұрады.

⁵ Ал сен барлық жағынан *қағылез әрі сергек бол, қиындықтарға төзе біл, ізгі хабарды жариялауды тоқтатпа, осылай өзіңе тапсырылған қызметті толығымен атқаратын бол.

⁶ Өйткені енді міне менің де байлауым шешіліп, қаным төгілетін уақыт та келіп қалды.

⁷ Мен жақсы күрестім, бар күшімді соған жұмсап, жарыстың аяғына дейін жүгіріп, мәреге жетіп сенімді сақтап қалдым.

⁸ Енді маған тек әділдерге берілетін сәтке дейін сақтап қойған тәжді алу ғана қалды, ал Ием оны маған сол күні береді. Ол әділ төреші, сондықтан Ол оны тек маған ғана емес, Оның келуін қалап, соны аңсап жүргендердің бәріне береді.

⁹ Маған тезірек келуге тырыс.

¹⁰ Себебі Иемізді емес осы әлемді жақсы көретін Димас, мені қалдырып, өзі Салоника қаласына кетті. Кріскент Ғалатияға, ал Тит Далматияға кетті.

¹¹ Қазір менің қасымда Лұқа ғана бар. Өзіңмен бірге Марқаны да ерте кел, өйткені оның қызметі маған аса қажет болып тұр.

¹² Мен Тихикті Ефеске жібердім.

¹³ Тродағы Карптың үйінде қалып қойған плащ пен кітаптар бар, олардың көбі терімен қапталған маған соларды ала кел.

¹⁴ Мыс шебері Ескендір маған көп жаманшылық жасады, оның сол істеген істеріне Ием сазайын берсін.

¹⁵ Ал сен одан байқап, сақтанып жүр, өйткені ол біздің айтқан сөздерімізге өте қатты қарсы болды.

¹⁶ Алғашқы сот болып, менің ісім қаралған кезде мені жақтайтын ешкім болған жоқ, әрі ешкім келген жоқ, керісінше бәрі мені тастап кетті. Бұл күнә болып оларға тағылмасын.

¹⁷ Өйткені сол кезде менің қасымда Ием менімен бірге болды, осылай Ол маған күш беріп мені нығайтты, сондықтан мен ізгі хабарды сол жерде толықтай уағыздадым, осылай сол жерде болған халықтардың бәрі оны естіді, мен арыстанның азуынан осылай құтылып кеттім.

¹⁸ Ием, өзінің Патшалығы үшін мені зұлымдықтың барлығынан осылай құтқарып алмақ. Сондықтан Оның даңқы ғасырдан-ғасырға жасай берсін! Аумин!

¹⁹ Прискила мен Акилаға және Онисыфордың үйіне де сәлем айт.

²⁰ Эраст Қорынтта қалды, ал Трофим ауырып қалған соң, оны мен Мілитте қалдырып кеттім.

²¹ Тездетіп, қыс түспей тұрғанда келуге тырыс. Еубұл мен Пуд және Лин мен Клаудия және осындағы бауырластардың бәрі саған сәлем айтып жатыр.

²² Иеміздің Рухы сенімен бірге, Оның Рахымы сендермен бірге болсын!