Тимотейге 2 2 - Zhana Osiet

¹ Сонымен, балам сен Мәсіх Исаның рахымынан күш алып, күшейе бер,

² әрі көптеген куәгерлер арқылы менен не естісең соны, адал әрі соны басқаларғада үйрете алатын, соған қабілеті жететін адамдарға тапсыр.

³ Мәсіхтің жақсы сарбазы ретінде, шет қалмай азапты бірге көр.

⁴ Өйткені ешбір сарбаз өз басшысына жағу үшін, өзін күнделікті өмірдің шырмауына салып қоймайды.

⁵ Ал егер де біреу сайыс кезінде заңсыз әрекет істеп, сайыстың ережесін бұзатын болса, ол тәж алмайды. (берілмейді).

⁶ Жер өңдеуші де алғашқы жемісін алу үшін қалжырағанша еңбек етеді.

⁷ Осы айтқандарым жайлы терең ойлан, сонда Иеміз солардың бәрін саған түсіндіріп береді.

⁸ Өлімнен қайта тірілген Мәсіхті есіңнен шығарма, ал Ол мен уағыздаған ізгі хабар бойынша Дуәіттің ұрпағына жатады,

⁹ Мен сол үшін азап шегіп, зұлым адам секілді бұғауда отырмын, алайда Құдайдың сөзін бұғауда ұстау мүмкін емес.

¹⁰ Осының бәріне мен тек таңдап алынғандар үшін шыдап отырмын, олар осы арқылы Мәсіхтегі құтқарылуға да, мәңгілік даңққа да ие болса екен деймін.

¹¹ Мына сөзде шындық бар: егер де біз Онымен бірге өлсек, онда біз де Онымен бірге өмір сүреміз,

¹² ал егер төзімді болсақ, Онымен бірге патшалық құрамыз, ал егер де Одан біз бас тартсақ, онда Ол да бізден бас тартады.

¹³ Ал егер де біз сенімді бола алмасақ, Ол бізге адал болып қала бермек, себебі Ол Өзінен Өзі бас тартпайды.

¹⁴ Мынаны естеріне сал, Құдайдың алдында жалынып сұра, өйткені сөз таластырудың еш пайдасы жоқ, ол тек тыңдаушыларының сағын бұзады.

¹⁵ Құдайға пайдалы болғың келсе, онда өзіңді ешқашан ұятқа қалмайтын әрі шынайы сөзді бұрмаламай тура, әрі нақты айта алатын жұмыскер ретінде көрсетуге тырыс.

¹⁶ Қажетсіз, жек көрушілікті тудыратын бос сөзден аулақ жүр, өйткені олардың жеткен жетістігі тек әділетсіздік тудыру,

¹⁷ сол себеппен олардың айтқан сөзі іріңдеген жара секілді жан-жаққа таралып жатыр. Солардың ішінде Үменей мен Філетте бар,

¹⁸ Олар шындықтан тайып кеткендіктен, қайта тірілу әлдеқашан болып кетті деп айтып, кейбіреулерінің сенімдеріне нұқсан келтіріп, бұзып жүр.

¹⁹ Алайда Құдай салған негіз шайқалмай берік тұр, оған мынандай мөр басылып: -Жаратқан Ие Өз адамдарын біледі, әрі Иеміздің атын атап, Оны шақыратын әркім зұлымдыққа жақындамай одан аулақ жүрсін, -деп бекітілген.

²⁰ Мысалы, үлкен үйде тек қана алтын мен күмістен жасалған заттар ғана емес, керісінше ағаштан, балшықтан жасалған заттар да бар, міне солардың кейбіреуін құрметті қонақтар келгенде пайдаланса, ал кейбіреуі құрметке лайықсыз қонқтарға пайдаланылады.

²¹ Ал егер де әркім өзін осы бір жаман нәрседен тазалайтын болса, онда ол құрметке лайықты, тазарудан өткен, қожайынына аса пайдалы, әрі кез-келген ізгі іске әрқашан да дайын ыдыс болады.

²² Сонымен жастыққа тән құмарлықтан қаш, оның орнына әділдіктің, сенмнің, сүйіспеншіліктің жолын қуалап, шақырылғандармен бірге Иеміздің тыныштығына шын жүрекпен ұмтыл.

²³ Ақымақтық пен білімсіздіктен талас пікірлер туындайды, осылардан аулақ жүр, осы нәрселер ұрыс-керіске әкелетінін де білесің.

²⁴ Ал құдайдың құлына ұрсып-керісіп жүру жараспайды, керісінше ол бәріне бірдей жұмсақ мінез көрсете алатын, үйретуге қабілетті, шыдамды,

²⁵ өзінің кішіпейілдігімен қарсыластарына тәрбие көрсете алатын болса, бір кездері Құдай оларға да шындықты жақыннан танып білуге мүмкіндік береді,

²⁶ сонда сайтанның қақпанына түсіп, оның еркіне бағынып жүргендер ес жиып, ақылға келеді.