Тимотейге 1 6 - Zhana Osiet

¹ Құлдықтың қамытын киіп жүрген қаншама құлдар бар, солардың әрқайсысы өз қожайындарын барлық жағынан құрметтеп, оларды соған лайықты деп санасын, сонда Құдайдың аты мен Оның ілімі жаман, жағымсыз сөзге ілікпейді.

² Ал енді кейбір қожайындар сеніуші болса, онда олар сол қол астындағыларға немқұрайды қарамасын, өйткені олар бір-біріне бауыр болады. Керісінше сенуші болған қожайын оларға көбірек қызмет етсін, өйткені олар да сенуші сондықтан, ол оларға ізгі қасиетпен ізгілік жасап әрі сүйіспеншілік көрсетуілері тиіс. Оларға осыны үйрет, әрі осыны уағыздай бер.

³ Егер де біреу жалған тәлім беріп жүрсе, яғни оның үйреткені біздің Иеміз Иса Мәсіхтің таза да, дәріпті сөздеріне сай келмейтін болса, яғни Құдайды дәріптеуге үйретпейтін болса,

⁴ онда ол ештеңе білмейтін өте өркөкірек адам. Керісінше ол тек сөз таластыратын мүмкіндік іздеп сонымен ауыратын адам, ал мұндай іс-әрекет қызғаныш дау-дамай, ерсі сөздер, жалған күдіктер тудырады.

⁵ Олардың ойлары бұзық болғандықтан, олар осындай сөз таластыруға барады, сөйтіп, шындықтың күшін жойып, өз пайдасын тек Құдайды құрметтеп, дәріптеуден іздейді.

⁶ Ал адамға ең үлкен пайда ол-Құдайды дәріптеп, барға қанағат ету.

⁷ Себебі біз бұл әлемге еш нәрсе әкелген жоқпыз, әрі бұл әлемнен еш нәрсе алып кете алмаймыз.

⁸ Жейтін тамақ пен басымызда баспана болса болды, сол жеткілікті.

⁹ Ал енді бай болғысы келетіндер азғырылуға беріліп, қақпанға (торға) түсіп, көптеген ақылсыз әрі зиянды тілектердің жетегіне еріп, адамдарды құртатын, құрдымға батырып жіберетін жолмен кетеді.

¹⁰ Өйткені барлық зұлымдықтың түп тамыры күмісті жақсы көрушілік, яғни ақша құмарлықта жатыр.

¹¹ Ал сен Құдайдың адамы болсаң, осы нәрседен қаш. Оның орнына әділдіктің, Құдайды қастерлеудің, сенімнің, сүйіспеншіліктің, табандылықтың, кішіпейілдіктің жолымен жүр.

¹² Сенім үшін күрес, жақсы болсын десең сол күреске барыңды салып, өзіңді шақырған әрі көптеген куәгерлердің алдында өзің туәбе етіп мойындап, қабылдаған мәңгілік өмірден шап беріп ұстап алуға тырыс.

¹³ Өлімнен бәрін қайта тірілте алатын, әрі Понти Пилаттың кезінде, жақсы куәлік беріп Өзін мойындатқан Иса Місіхтің атымен, саған мынаны бұйырамын:

¹⁴ -Біздің Иеміз Иса Мәсіх келетін кезге дейін Өзіңе берілген осы бір еш кіршіксіз де, таза өситетті сақтайтын бол.

¹⁵ Ол өзінің уақытының мерізімі жеткен кезде, Ол өзін бақытқа бөлейтін, Құдіреті күшті Ие екенінін, әрі Патшалардың патшасы, Иелердің Иесі екенін ашып көрсетеді.

¹⁶ Оның бойында Өлім деген атауымен жоқ, Оның жарығына ешкім де жақындай алмайды. Адамдардың еш қайсысы да Оны көрген де емес, әрі Оны көретін мүмкіндігі де жоқ. Сондықтан құрмет те, құдірет те, күш те мәңгі Оныкі. Аумин!

¹⁷ Сондықтан Осы ғасырдың байларына мына нұсқауды жеткіз: -Олар өздерін аса ақылдымыз деп санамасын, әрі байлығына сеніп, қолындағы барына үміт артпасын, керісінше үмітін бізге бәрін молынан төгіп беретін Құдайға артып,

¹⁸ жақсылық істеп, жақсы істерге бай бола білсін, сөйтіп жомарттық жасап, барымен де отбасқалырмен де бөліссін.

¹⁹ Осылай олар өздерінің болашағы үшін жақсы да, негізі берік қазына жинап алсын, сонда оларға нағыз шынайы өмірден шап беріп ұстап алуына мүмкіндік туады.

²⁰ Оу, Тимотей, осы аманатты сақтап, пайдасыз бос сөзден, әрі білім деген атағы бар, алай да шындыққа қарсы тұрып жалған пікір тудартын бос әңгімден өзіңді аулақ ұста.

²¹ Кейбіреулері берген уәдесінде тұра алмай, сенімнен адасып мүлт кетті.