Тимотейге 1 5 - Zhana Osiet

¹ Қарт адамды қатты сөкпе, керісінше оған жігер беріп, оған әке ретінде қара, жас жеткіншектерге бауыр ретінде,

² ал егде жастағы әйелдерге ана ретінде, ал барлық жағынан тазалықты сақтау үшін жас қыздарға қарындастарыңдай қара.

³ Жесірлерге қамқорлық жаса, әсіресе шынайы жесірлерді құрметте.

⁴ Егер де қандай да бір жесірдің балалары немесе немерелері бар болса, олар ең алдымен өзінің үйіндегілерді құрметтеуді, әрі ата-бабаларын сыйлап оларға қамқор болуды үйренсін, өйткені бұл-Құдайға ұнамды іс-әрекет.

⁵ Нақты жесір деп, тек бір өзі ғана қалған, сөйтіп бар үмітін тек Құдайға артып, күні-түні мінәжат ететін, осылай бар уақытын тек өтінішпен, мінәжатпен өткізетін адамды айтуға болады.

⁶ Ал өмірінде тек рахат алуды іздеп, сайран салумен өткізетін адам ол-тірі өлік.

⁷ Олар мінсіз болсын десең, оларға осыны уағызда.

⁸ Егер де кім де кім өзінің жақындарымен, әсіресе өзінің үйіндегілеріне қамқор көрсете алмайтын болса, онда ол сенімнен бас тартты деген сөз, оның бұл іс-әрекеті Құдайға сенбейтін адамнан да жаман.

⁹ Жесір деп саналатын адамның жасы алпыстан төмен болмау керек, әрі ол тек бір ғана ер адамның әйелі болған,

¹⁰ әрі жасаған жақсы істері жайлы басқалар куәлік келтіре алатын, сонымен қатар бала-шағасын бағып-қағып өсірген, қонақжай болған, киелі адамдардың аяқтарын жуып, езілгендерге қолдау көрсетіп, осылай өзін кез келген іске бағыштаған адам болуы қажет.

¹¹ Ал бұған жастайынан жесір болып қалғандарды қоспайақ қой, өйткені олар бойларындағы табиғи құмарлыққа берілетін болса, Мәсіхке қарсы шығып, қалауы тек күйеуге тию болып тұрады.

¹² Міне, олар өздеріне үкімді осылай шығартады, өйткені олар өздерінің алғашқы сенімдерінен осылай бас тартады.

¹³ Бұған қоса олар еш нәрсе істемей үй-үйді аралап бос жүруді әдетке айналырып алады, сонымен қатар олар тек қана бос жүрмей, ойына не түссе соны айтып, кірмейтін жерге кіріп, сөз тасып, айтпайтын сөзді айтып, соған әуестеніп алады,

¹⁴ сондықтан жастайынан жесір қалғандар болса, олардың күйеуге шықанын қалаймын сонда олар бала тауып, үйдің қызметін атқарып, өздеріне қарсылық білдіріп жүргендерден ұрыс-сөгіс естімейтін болады.

¹⁵ Өйткені олардың кейбіреулері әлдеқашан шынайы жолдан бұрылып, одан адасып сайтанның жетегінде кетті.

¹⁶ Егер де кейбір сенуші бауырластардың үйінде жесірлердің бар екені анықталатын болса, онда олар қауымға салмақ түсірмеуге тырыссын, осылай олардың өздері оларды өз қамқорлығына алатын болса, онда қауым жесірліктің тауқыметін тартып жүрген нақты жесірлерге қамқор бола алады.

¹⁷ Жетешілікті жақсы атқарып жүрген қызметкерлерге құрмет екі есе көрсетілетін болсын, әсіресе сөз айтумен айналысып, еңбектеніп, әрі тәлім беріп жүргендер соған лайықты.

¹⁸ Өйткені жазбада: -Астық бастырып жүрген өгіздің аузын бума және жұмыскер еңбегіне сай өз ақысын алуға лайықты, - деп те жазылған.

¹⁹ Егер де қызметкерге тағылған айыпты растайтын екі немесе үш куәгер болмаса, онда ол айыпты қабылдама.

²⁰ Ал күнә жасап жүргендерді әшкерелеу үшін, оларды барлық адамдардың алдына шығар, сонда басқаларында қорқыныш пайда болады.

²¹ Құдайдың алдында да, Мәсіхтің алдында да, әрі таңдалған періштелердің алдында да мен сенен мынаны өтінемін, осы айтылғандардың бәрін сақта, істеген ісәрекетіңде теріс ұғым (пиғыл) немесе оларға деген ешқандай әуестік болмасын.

²² Біреудің үстіне асығытықпен қолыңды қойушы болма, бөтен біреу күнә жасап жатса, онымен араласпа, әрқашан да өзіңді таза ұста.

²³ Тек қана су іше бермей, асқазаныңмен өзіңде жиі болатын әлсіздікке бола, енді аздап шарап та ішіп тұр.

²⁴ Кейбір адамдардың күнәлары сотқа жетпей-ақ алдынала белгілі болады, ал кейбіреулерінің күнәлары кейінірек ашылады.

²⁵ Сол секілді істелетін жақсы істер де алдын-ала белгілі болады, мұны басқадай айтқанда еш нәрсе жасырын болып қала алмайды.