Тимотейге 1 4 - Zhana Osiet

¹ Ал Рух мынаны нақты ашық айтып тұр: соңғы уақыттарда кейбіреулер сенімнен тайып, өтірікші рухтың жетегіне еріп, сайтанның ілімін ұстанып,

² екі жүзділікке беріліп, өтірік айтып, осылай өздерінің ар-ұяттарын күйдіріп,

³ үйленуге тыйым салып, шындықты танып-біліп, сенімнің жолына түсікендер алғыс айтып, қабылдасын деген мақсатпен Құдай жартқан тамақтан бас тартатын болады.

⁴ Негізінде Құдай әрбір нәрсені өте жақсы, әрі әдемі, пайдалы етіп жаратты, сондықтан ешнәрсені «жарамсыз» деп лақтырып тастаудың қажеті жоқ, керісінше оны алғыспен қабылдайтын болса,

⁵ онда ол Құдайдың сөзі мен мінәжат арқылы тазаланады.

⁶ Бауырластарға мұны ұсыныс ретінде жеткіз, сонда олардың сенімдерін сөзбен жетілдіретін, әрі өзің ұстанып жүрген жақсы ілімге басқаларды да баули алатын Мәсіх Исаның жақсы қызметкері боласың.

⁷ Пайдасы жоқ, әрі жасы жеткен әйелдердің ойдан құрап айтатын әңгімелерінен өзіңді аулақ ұстайтын бол. Өзіңдіөзің ізгіліке, ізгі қасиетке баулып жаттықтыра бер.

⁸ Негізі денені жаттықтыратын болсаң, одан аз ғана пайда табасың, ал өзіңді ізгілікке, ізгі қасиетке жаттықтыратын болсаң, оның пайдасы өте зор, өйткені ол жерде сенің қазіргі өміріңмен болашақтағы өміріңе де арналған уәде жатыр.

⁹ Бұл сөз-шындық, бұл сөзді қабылдаған әркім соған лайықты болмақ,

¹⁰ міне, біз осы үшін еңбектеніп, осы үшін күресіп жүрміз, себебі біз үмітімізді тірі Құдайға артып отырмыз, сондықтан Оған сеніп, Оның өзіне адал болған адамдардың бәрін Ол құтқарып алады.

¹¹ Міне, осыны уағызда, әрі осыған үйрет.

¹² Ешкім сенің жас екеніңді менсінбей жүрмеу үшін, сен керісінше айтқан сөздеріңе адал бол, әрі жүріс тұрысыңмен басқаларға көрсеткен сүйіспеншілігіңмен, сеніміңмен таза оймен оларға үлгі бол.

¹³ Мен келгенше оқумен, уағыз айтумен, тәлім берумен айналыса бер.

¹⁴ Өзіңе берілген сыйға нем құрайды қараушы болма, ол саған пайғамбарлық арқылы берілді, қызметкерлер де сол үшін саған қолдарын қойды.

¹⁵ Сол сыйды өшірме, соны пайдалан, бұл барлығының алдында сені табысты етеді, әрі соның кепілі болмақ.

¹⁶ Өзіңе де және беріп жүрген тәлімге де аса қатты назар аудар, осыларды үзбей жалғастыр, тек осылай әрекет етсең ғана, өзіңді де, өзіңді тыңдап жүргендерді де құтқарасың.