Тимотейге 1 2 - Zhana Osiet

¹ Сонымен мен, барлықтарыңнан ең алдымен сұрайтыным, мінәжат етіңдер, мінәжаттарың да барлық адамдар үшін өтініш білдіретін, қолдау көрсететін, араша болатын, алғыс айтатын өтініш болсын.

² Сонымен қатар патшалар үшін де, әрбір билік иелері үшін де мінәжат етіңдер, бұл бізге, барлық жағынан ізгі қасиетке бөленіп, бәріне құрмет көрсетіп, тыныш өмір сүруімізге мүмкіндік береді.

³ Бұл жақсы нәрсе, әрі осындай іс-әркет бізді Құтқарып алатын Құдайға да ұнамды.

⁴ Өйткені Ол барлық адамдардың құтқарылғанын, әрі олардың Оған келгенін, осылай олардың да шындықты танып, білгенін қалайды.

⁵ Себебі, Құдай біреу, әрі адамдар мен Құдайдың арасындағы дәнекер де біреу, ал Ол адам Мәсіх Иса,

⁶ міне, Сол біздің құнымызды төлеп, бәрімізді сатып алу үшін, Ол Өз өмірін Өзі құрбандыққа берді, ал осы туралы өз уақытында куәлік те берілді.

⁷ Менің жаряилап жүргенім де-Сол, сондықтан мен Оның елішісі болдым, сондықтан айтқаным өтірік емес шындық, әрі өзге ұлттың өкілдерін сенім мен шындыққа үйретіп жүрген тәлімгермін.

⁸ Сондықтан, мен, біздің ер азаматарымыз, қай жерде жүрсе де, ашу-ызасыз, әрі тай-талассыз өздерінің тап-таза қолдарын көкке көтеріп, мінәжат еткенін қалаймын.

⁹ Сонымен қатар, әйелдер де өздерін, өрілген шашпен немесе алтын, әрі маржан тастармен немесе қымбат киімдермен емес, керісінше өздерін қарапайым киіммен, ар-ұятпен, әрі саналы ізгілікпен әрлеп-әшекейлеп,

¹⁰ Құдайды өздері қалай қастерлейтіндерін, өздерінің әйелдерге тән жақсы іс-әрекетері арқылы көрсетсін.

¹¹ Әйелдер тәлім алған кезде, тыншытықты сақтап, барлық жағынан бағынатын болсын.

¹² Әйелге еркектің үстіне билік жүргізіп, еркекті үйретуге рұқсат бермеймін, керісінше тыныштықты сақтайтын болсын.

¹³ Себебі, ең бірінші Құдай Адам атаны жаратты, одан кейін барып Хауа ана жаратылды.

¹⁴ Әрі алданып қалған Адам ата емес, керісінше әйел алданып қалды да, содан кейін ол қылмыс жасады.

¹⁵ Сондықтан егер де әйел сенімде, сүйіспеншілікте, киелікте, ұстамдылықта жүретін болса, онда ол тек бала туу арқылы құтқарылатын болады.