Римдіктерге 13 - Zhana Osiet

¹ Әрбір жан жоғарғы билік иелеріне бағынатын болсын, өйткені барлық билік тек Құдайдан берілген, сондықтан бар билік Құдайдың бекітуімен қойылған.

² Сондықтан кім билікке қарсы тұрса, сол Құдайдың нұсқауына қарсы тұрады, ал қарсы келгендер өзіне-өзі үкім шығарады.

³ Себебі игі іспен айналысып жүргендерге басшылар қорқыныш әкелмейді, керісінше, олар зұлымдық жасап жүргендерге қорқыныш әкеледі. Биліктің алдында қорықпай жүргенді қалайсың ба? Ендеше жақсылық жаса, сонда оның мақтауына ие болсың.

⁴ Олар Құдайдың құлы болғандықтан, сенің жақсылық жасағаныңды қадағалайды. (Билік өкілдері сенің игілігің үшін Құдайдың қызметін атқарады). Егер зұлымдық жасасаң, қорқатын бол, олар бекерге қылышын алып жүрген жоқ, өйткені олар-Құдайдың құлы, сондықтан ол зұлымдық жасағанға қаһарын төгеді.

⁵ Сонымен, оның қаһарына бола емес, ар-ұжданыңның таза болуы үшін де оған бағынуың қажет.

⁶ Билікте тұрғандар Құдайдың қызметкерлері болғандықтан, үнемі қадағалап жүреді, сол үшін де сендер салық төлейсіңдер.

⁷ Сондықтан барлық қарыздарыңды қайтарып беріңдер: салықтың қарызын салықшыға, кеденнің қарызын кеденшіге, қорқыныштың қарызын қорқынышқа (түсініксіз) құрметке құрмет көрсет, абыройға қарыз болсаң (түсініксіз) оны да бер.

⁸ Сөйтіп, бір-біріңе деген сүйіспеншіліктен басқа ешкімге және еш нәрсеге қарыз болмаңдар, себебі кім басқа біреуге сүйіспеншілік көрсетсе, сол Заңның талабын орындайды.

⁹ «Неке адалдығын бұзба», «ұрлама», «біреудің затына сұқтанба» деген басқа да өсиеттердің барлығының мәні біреу-ақ: «Өзіңді қалай сүйсең, басқаны да солай сүй».

¹⁰ Жақыныңа деген сүйіспеншіліктен зұлымдық туындамайды, өйткені басқаға сүйіспеншілік көрсету заңның талабын толық орындау болып есептеледі.

¹¹ Сонымен қатар, қазіргі кез қандай уақыт екенін сендер білесіңдер, енді ұйқыдан оянатын кез келді, себебі алғаш сенген мезгілден гөрі қазір біздің құтқарылуымыз әлдеқайда жақын қалды.

¹² Түн өтіп кетті, ал күн жақындап қалды. Сол себепті келіңдер, мына түннің істерін кейін шегеріп тастайық та, одан да нұрдың қаруын асынайық.

¹³ Сөйтіп, күннің жарығына лайықты болу үшін, жүгенсіздік пен ұрыс-керіске, қызғаныщқа берілмей,

¹⁴ Иеміз Иса Мәсіхке ұқсап, тәндік құмарлықтың қалауын алдын ала тыйып тастаңдар.