Петір 1 2 - Zhana Osiet

¹ Сол үшін неше түрлі зұлымдықпен, әртүрлі бір айла әрекетпен, жасанды қылықты, қызғаншақтықпен, жала жабушылықтың бәрін былай ысырып тастап,

² жаңа туылған сәбилер секілді шынайы да, таза сүтке, яғни таза рухани сөзді аңсап соған ұмтылыңдар, өйткені сол арқылы өсіп, құтқарылуға жетесіңдер.

³ Егер де сендер Иеміздің ізгілігінің дәмін татқан болсаңдар, солай істеңдер,

⁴ себебі тек сонда ғана адамдар өзара бас тартып, ал Құдай болса қымбат деп бағалаған тірі тасқа жақындай аласыңдар.

⁵ Тек сонда ғана сендер киелі болу үшін құрылып жатқан рухани үйдің қабырғасына тір тас ретінде қаланып, рухани құрбандықтарды Құдайға ұнамды ету үшін, оны тек Иса Мәсіх арқылы Құдайға әкелетін қызметкер бола аласыңдар.

⁶ Өйткені Жазбада: -Міне, қымбат деп таңдап алынған тасты алып, Оны іргетас ретінде Сионға қоямын, сонда Оған сенген әркім ұятқа қалмайтын болады, - деп айтылған.

⁷ Ал бұл Оған сенім артып, сенуші болған сендерге аса қымбат, ал Оған сенбейтіндерге Ол үй салушылардың жарамсыз деп тапқан тас болды, енді міне Сол тас бұрышта тұратын басты тасқа, яғни сенбеушілерді

⁸ сүріндіретін әрі оларды құлататын, тасқа яғни жартасқа айналды. Себебі, Оны сол жерге яғни сөзге мойынұсынбағандар шалынып құласын деп, Оны сол жерге солар үшін қойды.

⁹ Ал сендер Оның Өзі таңдап алып, патшаның қызметкері ретінде, әрі киелі ұрпақ ретінде ерекшелеп бөліп алған Құдайдың халқы болғандықтан, сендер Оның таңқаларлық Нұры мен Оның кемелділігін, сендер яғни түнектен шақырылып алынған сендер жариялауға тиіссіңдер.

¹⁰ Себебі бір кездері Құдайдың халқы болмаған сендер, енді міне Құдайдың халқы болдыңдар, кезінде Құдайдың кешірімін алмаған едіңдер, енді Одан кешірім алып, Оның мейіріміне ие болдыңдар.

¹¹ Сүйікті бауырластар, мен сендерден мынаны өтінемін, сендер жаһан кезуші жат жерлік болғандықтан, өздеріңдіөздерің ұстап, өздеріңнің жан дүниелеріңе қарсы күресетін тән құмарлығына берілмеңдер.

¹² Сендерді сыртарыңнан жамандап, сендерді зұлымдардың қатарына қосып, сырттарыңнан бақылап жүретін өзге ұлттар, сендердің жақсы істеріңмен ізгілікті өмір салтарыңды сырттан қадағалап жүріп, Құдайды мадақтайтын болсын.

¹³ Иеміз үшін адамзатының кез келген билігіне бағыныңдар; -Патша болса оған мәртебесі биік басқарушы ретінде,

¹⁴ ал егер де жетекші көсемдер болса, оған зұлымдарды ол арқылы жазаға тартатын жазалаушы ретінде, ал жақсылық жасайтындарға олардың жасаған жақсылықтарын елеп, мақтау айтып, мақтаушы ретінде қараңдар.

¹⁵ Себебі Құдайдың еркі де осы -жақсылық жасаушылар арқылы, надан адамдардың үнін шығартпай тастау.

¹⁶ Сондықтан еркіндікте жүрген біздер, өз еркіндіктерімізді зұлымдықты жабу үшін пайдаланбай, керісінше Құдайдың құлы секілді болып жүрейік.

¹⁷ Бәріне құрмет көрсетіп, бір-біріңді бауырлас ретінде жақсы көріңдер, Құдайдан қорқыңдар, Патшаға құрмет көрсетіңдер.

¹⁸ Құл болғандар, қожайындарыңды барлық жағынан құрметтеп, тек қана жақсылары мен кішіпейілдеріне ғана емес, ол қисық не болмаса өтірікші болса да бағыныңдар.

¹⁹ Егер де Құдай үшін біреуден саналы түрде жазықсыз жапа шегіп, әділетсіздікпен азапталып жатса -Құдайдың рахымы соған түседі.

²⁰ Ал егер де тек жасаған күнәләрің үшін ұрылып, жапа шегіп жатсаңдар, онда қандай мақтау алар едіңдер? Ал егер де керісінше жасаған жақсылықтарыңа бола жапа шегіп, азапты бастан өткізетін болсаңдар, мұны Құдайдың рахымы деп қарау керек.

²¹ Өйткені сендер осы үшін шақырылдыңдар, Мәсіх сендер үшін азап шеккенде, сендер де Оның жолымен жүрсін деп, сендерге сол жолды үлгі ретінде қалдырды.

²² Мәсіх болса ешқандай да күнә жасаған жоқ және Оның аузында ешқандай да жалған сөз болған жоқ.

²³ Оны балағаттап, Оны қорлағандарға Ол балағат сөз айтып, оларды қорлайтын жауап қайтармады, Ол азапталып жатса да, сес көрсетпеді, керісінше (бәрін) әділетті Соттаушыға тапсырды да,

²⁴ Ол біздің күнәларымызды Өзінің денесіне артып, Оны көтеріп айқышқа алып шықты. Ол осыны біздің әділетті болып, өмір сүруіміз үшін істеді, сондықтан сендер Оның денесіне түскен жарақаттары арқылы сауықтыңдар.

²⁵ Себебі бір кездері сендер жолдан адасып кеткен қой секілді едіңдер, енді сендер өздеріңнің жандарыңды қадағалап, бағатын Бағаушыларыңа қайтып келдіңдер.