Қорынттықтарға 1 10 - Zhana Osiet

¹ Бауырластар, бір кездері біздің ата-бабаларымыздың бәрі бұлт астында жүріп, теңіз арқылы өткенін сендердің білгендеріңді қалаймын.

² Сол кезде олардың бәрі Мұса арқылы бұлтта және теңізде суға батырылып шомылдырудан өткендей болды.

³ Бәрі бірге бірдей рухани тамақ жеді,

⁴ бәрі бірге бірдей рухани сусыннан ішті. Сол кезде олар өздерін рухани жетелеп жүрген жартастан ішті, Сол жартас Мәсіх болатын.

⁵ Алайда Құдай олардың көпшілігіне риза болмады, сол үшін Құдай оларды түгел елсіз айдалада жойып жіберді.

⁶ Осының бәрі бізге ескерту ретінде үлгі болады, біз олар сияқты зұлымдықтың артынан жүгірмеуге тиіспіз.

⁷ Сендер олардың кейбіреуіндей пұттарға табынушы болмаңдар, олардың сол істері туралы Жазбада: «Халық ішіп-жеу үшін жайғасты, сосын орындарынан тұрып, көңіл көтерді», - деп жазылған.

⁸ Олардың кейбіреулері азғындыққа берілді, біздің арамызда ондай азғындық болмасын, сол себепті бір күнде, яки, бір сәтте олардың жиырма үш мыңы құрып кетті.

⁹ Сол сияқты олардың кейбіреуіндей азғындыққа беріліп, Мәсіхті сынаудан аулақ болайық, олардың сол кездегі ісәрекеті үшін, бір мезетте оларды жылан шағып өлтірді.

¹⁰ Сонымен қатар, олардың кейбіреулері күңкілдей бастады, сонда құртушы періште келіп, оларды құртып жіберді, сондықтан сендер олар секілді күңкілдей бермеңдер.

¹¹ Олардың басынан өткен осы жағдайлар бізге пайдалы болуы тиіс, өйткені заманның ақыры таяп қалған кезде, осының бәрі тәлім беру үшін жазылған.

¹² Сондықтан кімде-кім өз аяғымда нық тұрмын деп ойлайтын болса, құлап қалудан сақ болсын!

¹³ Сендердің бастарыңа түскен сынақтар-күнделікті өмірде адам басына түсетін сынақтар. Құдай Өз сөзіне адал болғандықтан, Ол сендерге шамадан тыс сынаққа түсулеріңе жол бермейді, керісінше, Ол сол сынақтан шығатын жолды сендерге көрсетіп, соны жеңіп шығуға мүмкіндік беріп отырады.

¹⁴ Сондықтан менің сүйікті бауырларым, пұтқа табынбаңдар, сондай нәрседен қашыңдар.

¹⁵ Мен мұны ақыл-есі дұрыс (парасатты) адамдар ретінде сендерге айтып отырмын, сондықтан менің айтқандырыма ден қойып, ойланыңдар.

¹⁶ Біз тостағанды алып, жарлықап, бата береміз, ал бұл біздің Мәсіхтің қанымен байланыста тұрғанымызды көрсетпей ме? Ал шетінен үзіп алған нан біздің Мәсіхтің денесімен байланыста тұрғанымызды көрсетпей ме?

¹⁷ Нан-біреу, біз көппіз, алайда сол нан арқылы бәріміз бірігіп, бір дене болдық, себебі бәріміз Сол нанның бір-бір бөлігіміз.

¹⁸ Тәннің қалауымен өмір сүріп жатқан исраил халқына қараңдаршы: құрбандыққа шалынған құрбандықтың етін жегендер құрбандық үстелімен байланыста болмай ма?

¹⁹ Мұнымен сонда не айтпақпын? Пұтқа арналып берілетін құрбандықтың қандай мағынасы бар? Немесе пұттың қандай мәні бар?

²⁰ Алайда олар сол құрбандықтарын Құдайға бағышталған құрбандық ретінде емес, жындарға арналған құрбандық ретінде шалады, ал мен сендердің жындармен сыбайлас болғандарыңды қаламаймын.

²¹ Өйткені Иеміздің де тостағанынан, жындардың да тостағынан бірдей іше алмайсыңдар. Сонымен бірге Иеміздің де асынан, жындардың да асынан бірдей жей алмайсыңдар.

²² Сонымен, сендер Иеміздің қызғанышын тудырайын деп отырсыңдар ма? Сонда біз Одан да күшті болып кеттік пе?

²³ Бәрін істеуге болады, алайда бәрі бірдей пайдалы болмайды. Бәрін де істеуге болады, алайда бәрі бірдей кемелді етіп жетілдірмейді.

²⁴ Сондықтан ешкім өзінің ғана қалауы емес, басқаның да қалауын іздейтін болсын.

²⁵ Ар-ұяттарыңның тыныштығы мен тазалығы үшін, базарда сатылып жатқан еттің бәрін зерттеп, сұрастырмайақ алып, жей беріңдер,

²⁶ өйткені «осы жер және жердің бетін толтырып тұрғанның барлығы Иеміздің меншігінде».

²⁷ Егер де сендерді бір сенбеуші қонаққа шақыратын болса, барғыларың келсе, барыңдар және ар-ұяттарың тыныш әрі таза болуы үшін, ол не ұсынса, соны мұқият зерттеп, сұрамай-ақ берген асын жей беріңдер.

²⁸ Ал егер де біреу сендерге: «Бұл -пұтқа арналып шалынған құрбандық», -деп айтатын болса, онда осыны айтқан адам үшін де, ар-ұяттарың үшін де оны жемеңдер.

²⁹ Ар-ұят дегенімде сендердің ар-ұяттарыңды айтып тұрған жоқпын, керісінше, басқа (бөтен) адамдардың арұяты жайында айтып тұрмын.

³⁰ Егер де мен Құдайдың рақымымен өзіме берілген тиесілі үлесім үшін, Құдайға алғыс айтып жейтін болсам, онда мені неменеге соншама айыптайды?

³¹ Сонымен, не жеп, не ішсеңдер де, не істесеңдер де бәрін Құдайдың даңқын арттыру үшін істеңдер.

³² Осылай яһудейлер мен гректердің алдында да, Құдайдың қауымының алдында да мінсіз болыңдар.

³³ Сонымен, барлық жерде бәріне ұнайтындай мен сияқты өмір сүріп, қара бастың қамын ғана ойламай, басқалардың құтқарылуы үшін, көпшілікке пайдалы іс-әрекет істеңдер.