Қолостықтарға 4 - Zhana Osiet

¹ Қожайындар, сендер құлдарыңа әділдік танытып, оларға шынайы қамқорлық көрсетіңдер, өздерің білесіңдер сендердің Иелерің көкте, соны ұмытпаңдар.

² Сергек жүріп, үзбей мінәжат етіңдер, алғыстарыңды да мінәжатпен жеткізіңдер.

³ Құдай бізге де Оның сөзін, яғни Мәсіхтің құпиясын ашып беретін сөзді жариялай берейік, міне мен сол үшін бұғауда отырмын, сондықтан бірігіп біз үшін де мінәжат етіңдер,

⁴ өйткені Ол туралы ашық жариялайтын мүмкіндік маған аса қажет.

⁵ Сыртта жүргенд ерге әсер ету үшін даналықпен өмір сүріңдер, әрі уақыттың әрбір мүмкіндігін сәтті пайдаланыңдар.

⁶ Сендер сөйлеген кезде, сөздерің мейірімге толы, әрі тұздалғандай дәмді болсын, сонда кімге қалай жауап беру керек, соны білетін боласыңдар.

⁷ Менің жағдайымның бәрін, сүйікті бауырым, әрі сенімді қызметші, әрі Иеміздегі қызметте маған серік болған Түкхік арқылы білетін боласыңдар.

⁸ Мен оны сендерге «Біз туралы айтып берсін әрі жүректеріңе жұбаныш ұялатсын» деп өздеріңе жіберіп отырмын.

⁹ Сонымен қатар, оған өз орталарыңнан шыққан, әрі бізге сенімді де әрі сүйікті бауырымыз болып кеткен Онисымді де қосып жібердік, сондықтан осында болып жатқан жағдайдың бәрін солардан білетін боласыңдар.

¹⁰ Сендерге сәлем айтып жатқандардың арасында менімен бірге абақтыда отырған Арыстарқ пен Марқа және кезінде мен өздеріңе нұсқау беріп, егер де сендер жаққа барып қалса, оны қабылдаңдар деген Барнабаның немере ағасы да бар.

¹¹ Әрі Иуст деп те аталатын Иса да бар, бұл екеуі сүндеттелгендердің арасынан шығып Құдай патшалығына қызмет етіп жүр, әрі олар маған да қолдау көрсетіп жүр.

¹² Өз араларыңнан шыққан Эфапрас та сендерге сәлем айтуда, ол нағыз Исаның құлы, өйткені ол сендер үшін әлі де күресіп жүр, сондықтан ол мінәжатын еш тоқтатқан жоқ, себебі ол сендердің аяқтарыңа тұрып, жетілгендеріңді, әрі Құдайдың еркін орындау кезінде сендердің батыл болғандарыңды қалайды.

¹³ Оның сендер үшін де, Ладокиялықтар үшін де, әрі Иеарополдағылар үшін де қажымай істеген істеріне мен куә болдым.

¹⁴ Сендерге сүйікті дәрігеріміз Лұқа мен Димас сәлем айтуда.

¹⁵ Ладокиялық бауырластарға және Нүмфан мен оның үйіндегі қауымға да сәлем айтыңдар.

¹⁶ Бұл жолдау хатты өздерің алып, оны оқып болғаннан кейін, оны Ладокиядағы қауымдарға да, әрі Ладоикялықтардың өздеріне де оқып беріңдер.

¹⁷ Архыпқа мынаны айтыңдар; көрдіңбе сен қабылдап алған қызмет Иемізден, енді соны дұрыс орындап соны жалғастыра берсін!

¹⁸ Мен осы сәлемдемені өз қолыммен жаздым, менің бұғауда отырғанымды естеріңнен шығармаңдар. Құдайдың Рахымы сендермен бірге болсын!