Қолостықтарға 2 - Zhana Osiet

¹ Сондықтан Ладокиялықтар сендер менің сендер үшін бір үлкен күрестің ортасында жүргенімді білсе екен деймін, өйткені сендердің көпшілігің менің бет жүзімді әлі де көрген жоқсыңдар.

² Сондағы мақсатым: сендердің жүректеріңе жұбаныш беріп, оған сүйіспеншілік ұялата отырып, Құдайдың Мәсіхтегі құпиясы жайлы сендерге толықтай ашып, соны өздеріңе молынан түсіндіріп беру болатын.

³ Себебі бүкіл даналық пен білімнің қазынасы Мәсіхте жатыр.

⁴ Мұны мен өздеріңе ешкім де сендерді өздерінің үгіт насихат сөздерімен алдап, адастырып кетпесін деп айтып отырмын.

⁵ Әрине, қазір мен тәни тұрғыда сендермен бірге емеспін, алайда рухыммен сендермен біргемін, өйткені сендердің үлгілі тәртіптерің мен сендердің Мәсіхтегі берік сенімдеріңді көріп қуанып жүрмін.

⁶ Сонымен сендер Мәсіх Исаны Иеміз деп қабылдадыңдар, сондықтан ендігі өмірлеріңді Мәсіхте өткізіңдер,

⁷ тамырларыңды Мәсіхте терең жайып, Мәсіхте құрлып, Мәсіхте негізделіңдер, сенімге қалай үйретілген болсаңдар, алғыс айтуға да дәл солай ұмтылыңдар.

⁸ Байқаңдар, ешкім сендерді Мәсіхпен еш байланысы жоқ, осы әлемдегі құбылыстар мен философияға байланысты адамдардың айтып жүретін аңыз әңгімелері арқылы алдап, сендерді өздерінің тұзағына түсіріп кетіп жүрмесін.

⁹ Өйткені Құдайдың толық болмысымен Оның толық Құдайылық қасиеті тек Мәсіхтің денесінде өмір сүруде,

¹⁰ ал сендерді толықтыратын да, толтыратын да Мәсіх, өйткені барлық бастаманың басы әрі барлық биліктің де басы Мәсіх болып саналады.

¹¹ Сондықтан сендер тәннен қолмен ет кесіп алу арқылы жасалатын сүндеттелуден емес, адамды ескі табиғатынан күнәні алып тастайтын сүндеттелуден, яғни Мәсіхтің сүндттеуінен өттіңдер.

¹² Сонда Онымен бірге жерленіп, Онымен бірге батырылып, су шомылудан өтіп, одан кейін Оны өлімнен қайта тірілтіп алды деген Құдайдың құдіретті ісіне сену арқылы Онымен бірге қайта тірілдіңдер.

¹³ Өйткені сендер кезінде жасаған күнәларыңның арқасында өлі болған сендерді, яғни тәни сүндеттелмеген сендерді Құдай Онымен бірге қайта тірілтіп алып, біздің жасаған күнәларымыздың бәрін Ол кешірді, сөйтіп

¹⁴ қолжазбада бізге қарсы жазылған ережелердің күшін жойып, оны біздің ортамыздан алып тасату үшін, оны айқышқа апарып шегеледі.

¹⁵ Осы арқылы Ол басшылар мен билік иелерін қарусыздандырып, Ол Өзінің жеңісін осылай ашық жариялап, оларды әшкерелеп, салтанатты шеруде олардың тұтқында екенін көрсетті.

¹⁶ Сондықтан ешкім сендерді ішкен астарың мен сендердің ішкен сусындарыңа бола, немесе сендердің олардан бөлек өткізген мейрамдарыңа бола, немесе жаңа туылған айға бола, немесе сенбіде істеген істеріңе бола, сендерді сотап, сендерді айыптамасын,

¹⁷ өйткені мұның бәрі тек келуге тиісті болған нәрсенің, яғни Мәсіхтің денесінің көлеңкесі ғана болатын.

¹⁸ Сендердге өзінің кішіпейілдігін көрсетіп, құдайшыл болып періштелерге табынып, өз еркімен жүргендер сендерге қарсы шығып үкім айтпасын, өйткені олар тек өз көрініс, өз көзқарастарымен жүргендіктен, олар тек өздерінің ескі табиғатына сай ойларын дәріптейді.

¹⁹ Себебі, олар бүкіл дене мүшелерін өзара бірін-бірімен байланыстырып, бір-біріне қолдау көрсетіп, оларды өзара бір-бірімен қосып біріктіріп, басқарып тұратын бас екенін, ал дененің өсіп-өнуі Құдаймен байланысты екенін елемейді.

²⁰ Сонымен егер де сендер Мәсіхпен бірге өліп, өздеріңді осы әлемге жоқпыз деп санасаңдар, онда сендер неге осы әлемнің тұрғындары секілді, қайдағы бір ережелерге бағынып,

²¹ мынаны ұстама, ананы жеме, анаған тиіспе деген нұсқауларын орындап жүрсіңдер.

²² Ал бұлардың бәрі адамдардың өсиеті мен тәлімдерінен туындаған ереже ғана сондықтан, олар жойлып, жарамсыз болып жойылып кетеді емес пе?

²³ Бұл сөздің қайсын алсаң да, сырт көзге дана болып көрінеді, негізі бұл өз еркіне табынушылық болып саналады, өйткені мұнда өзін-өзі өте төмен ұстаумен, өзін лайықсыз күйге түсіретін сезімдер мен ойлар жатыр, осы арқылы олар денені аяусыз қатал ұстайды, яғни бұл нәрсе тәндік нәрсені ғана дәріптейді, сондықтан оның ешқандай да пайдасы жоқ.