Аян 10 - Zhana Osiet

¹ Одан кейін мен өте бір мықты періштенің көктен түсіп келе жатқанын көрдім. Ол бұлтқа оранып алған және оның басының үстіңгі жағында кемпірқосақ жарқырап тұрды. Оның жүзі күндей жарқырап, аяқтары отты бағаналар сияқты еді.

² Оның қолында беті ашылған бір кітапша болды. Әлгі періште оң аяғын теңіздің бетіне, сол аяғын жерге қойды.

³ Ол айғай салғанда, даусы ақырған арыстанның гүріліне ұқсас болды, осы ақырған дауыстан күн жеті рет күркіреді.

⁴ Күн жеті рет күркіреген кезде, мен жазуға дайындалдым, бірақ сол кезде көктен шыққан үннің: -Жеті рет күн күркірегенде айтылғанды жазба, оларды тек мөрмен бекітіп қой, - дегенін естідім.

⁵ Одан кейін бір аяғымен теңізде, бір аяғымен жерде тұрған әлгі мен көрген періште оң қолын көкке көтерді.

⁶ Көкті және көктегінің бәрін, жерді және жердегінің бәрін жаратқан, теңізді және ондағының бәрін жаратқан, ғасырдан ғасырға мәңгі жасайтын тірі Құдайға ант берді. -Берілген уақыттың мерізімі бітті, -деді ол, -енді уақыт (кешігу) болмайды.

⁷ Алайда жетінші періште кернейін тартуға дайын болғанда, кернейінің үні шығатын күн Құдайдың құпия жоспарының толық орындалатынын білдіреді, өйткені Құдай Өзінің құлдары пайғамбарларға қалай жеткізген болса, дәл солай болады.

⁸ Сосын көктен естілген әлгі дауыстың маған тағы да сөйлеп тұрғанын естідім: -Сен бір аяғын теңізге, екінші аяғын жерге қойған періштенің қолындағы кітапты ал, -деді.

⁹ Мен періштеге барып, оған қолындағы кітабын беруін сұрадым. Сонда ол маған: -Сен кітапты алған соң, оны жеп қоюға тиіссің, ол сенің асқазаныңа түскенде, ашытады, ал аузыңда бал секілді тәтті болады, - деді.

¹⁰ Мен періштенің қолындағы кітапты алдым да, оны жеп қойдым. Мен оны жей бастағанда, аузымда тәтті бал секілді болды да, ал жеп болған соң, асқазанымды күйдіріп жіберді.

¹¹ Сонда маған былай деді: -Саған әлі де көптеген халықтар мен басқа ұлттарға, өзге тілде сөйлейтін рулар мен көптеген патшалықтарға осы пайғамбарлық хабарды жариялап, жеткізуге тиіссің.