Zechariah 12 - Zokam International Version

Jerusalem’ Galte Kisusia Ding Thusuak khat

¹ Hih in Israel tawh kisai TOPA kammal ahi hi. Vante zalin lei bulpi phuta mihingte sungah kha a guanpa TOPA in genkhia hi:

² "Keimah in Jerusalem, a kimkota mite in khama a hoi nading uh hai khatin ka bawl ding hi. Jerusalem mah bangin Judah zong ki-umcih ding hi.

³ Leitunga minam khempeuh amah do dinga a kikhop hun tua ni ciangin minam khempeuh adingin Jerusalem a kiliikkhia zo lo suangpi ka suaksak ding hi. Liikkhiat a sawm khempeuh amau le amau a kiliamsuah ding uh hi.

⁴ Tua ni ciangin sakol peuhmah lauvatna le a tungtuangte haina tawh ka sat ding hi," TOPA in cikhia hi. "Judah innkuante mitkhah loin ka en dinga, ahi hangin minamte sakolte a mit ka tawsak ding hi.

⁵ Tua ciangin Judah makaite in amaute lungsim sungah, ‘Jerusalem mite’ Pasian, Thahatpen TOPA ahi manin a thahat uh ahi hi,’ ci ding uh hi.

⁶ "Tua ni ciangin Judah makaite singkua kawma meibung bang le buhtu laka meilah kuang ka bangsak ding hi. Avei atak a kima omte khempeuh hultum ding uh a, Jerusalem ahileh a om ngei-in a om hithiat ding hi.

⁷ TOPA in David innkuante le Jerusalem a tengte, Judah-te sangin a lianzaw-a a kipahtawi loh nadingin Judah a tengte a honkhia masa ding hi.

⁸ Tua ni ciangin amaute lakah a thanem lopente David bang a, David innkuante Pasian tawh kibangin, amaute mai-a pai TOPA vansawltak a bat nadingun TOPA in Jerusalem a tengte a dal ding hi.

⁹ Tua ni ciangin Jerusalem a sim minam khempeuh a susia dingin ka kuankhia ding hi.

A Sutletpa uh Hanga Thumna

¹⁰ Tua ciangin David innkuante le Jerusalem a tengte tungah hehpihna le ngetnopna kha a ka sungkhia ding hi. Amaute in a sutletpa uh kei hong en b in a tapa neihsun kah bangin kap ding uh a, a tapa masapen hanga a dah mahmah bangin ama adingin dah ding uh hi.

¹¹ Tua ni ciangin Megiddo zanglei-a Hadad Rimmon kah bangin Jerusalem a kahna a lian mahmah ding hi.

¹² Tua gam thum dinga, David bawng’te a zite uh tawh, Nathan bawng’te a zite uh tawh,

¹³ Levi-te bawng’ a zite uh tawh,

¹⁴ le bawng’ dang khempeuh a zite uh tawh a thum ciat ding uh hi.