Nehemiah 11 - Zokam International Version

Jerusalem Inn Thakte

¹ Tu-in mipi makaite Jerusalem ah tengin adang mi sawma khatte khuapi siangtho Jerusalem ah teng dingin ai lawn uh a, a om lai kuate amau khua ciatah a teng uh hi.

² Amau utthu-a Jerusalem a teng nuamte khempeuh a kipakta hi.

³ Hihte, Jerusalem a teng khawk ukte ahi hi. (Tu-in Israel-te pawlkhat siampite, Levi-te, biakinnpi nasemte le Solomon nasemte suante Judah khuapi ah tengin, amau khuapi-a amau neihsa ciat ah a teng uh hi;

⁴ tua hun mahin Judah le Benjamin panate Jerusalem ah a teng uh hi): Judah suante panin: Parez’ suan Mahalalel tapa, Shephatiah tapa, Amariah tapa, Zechariah tapa, Uzziah tapa, Athaiah;

⁵ le Shelah’ suan Zechariah tapa, Joiarib tapa, Adaiah tapa, Hazaiah tapa, Col Hozeh tapa, Baruch tapa, Maaseiah ahi hi.

⁶ Perez’ suante Jerusalem a teng khempeuh galhang 468 a pha hi.

⁷ Benjamin suante panin: Jeshaiah’ tapa, Ithiel tapa, Maaseiah tapa, Kolaiah tapa, Pedaiah tapa, Joed tapa, Meshullum tapa, Sallu

⁸ le a nungzuite Gabbai le Sallai - mi 928 pha hi.

⁹ Zicri’ tapa Joel amau makaipipa hi-a, Hassenuah’ tapa Judah in khuapi Khen Nihna ukpa ahi hi.

¹⁰ Siampite panin: Jedaiah; Joiarib’ tapa; Jakin;

¹¹ Pasian inn ukpa Ahitub’ tapa, Meraioth tapa, Zadok tapa, Meshullam tapa, Hilkiah tapa, Seraiah

¹² le biakinnpi-a nasem amau huhte tawh - 822 pha a; Milkijah’ tapa, Pashhur tapa, Zechariah tapa, Amzi tapa, Pelaliah tapa, Jeroham tapa, Adaiah

¹³ le amah a huh innkuan lutangte tawh - 242 pha a; Immer’ tapa, Meshillemoth tapa, Ahzai tapa, Azarel tapa, Amashsai

¹⁴ le amah b a huh galhangte tawh - mi 128 a pha hi. Amaute makaipipa Haggedolim’ tapa Zabdiel ahi hi.

¹⁵ Levi-te panin: Bunni’ tapa, Hashabiah tapa, Azrikam tapa, Hasshub tapa, Shemaiah;

¹⁶ le Pasian inn pualam nasem uk Levi lutangte nih - Shabbethai le Jozabad;

¹⁷ lungdamkoh thungetna-a makai thuvanpipa Asaph’ tapa, Zabdi tapa, Mica tapa, Mattaniah hi a; amah a huhte a nihna pa Bakbukiah; le Jeduthun’ tapa, Galal tapa, Shammua tapa, Abda ahi hi.

¹⁸ Khuapi siangtho a om Levi-te a vekpi in 284 pha hi.

¹⁹ Kongpi cingte: Kongpi cinga a vil Akkub, Talmon le amau naseppihte tawh - mi 172 pha hi.

²⁰ A om lai Israel-te - siampite le Levi-te ahileh Judah khuapi dang khempeuh a amau luah leitang ciatah a teng uh hi.

²¹ Biakinnpi nasemte Ophel mualno tungah teng uh a Ziha le Gishpa-te in amaute a uk uh hi.

²² Jerusalem sunga Levi-te ukpipa Mica’ tapa, Mattaniah tapa, Hashabiah tapa, Bani tapa, Uzzi ahi hi. Uzzi pen Asaph’ suante hi-a, Pasian inn ah kikhop cianga lasak tavuan nei khat ahi hi.

²³ Lasate, kumpipa khutnuai hi uh a, nisimin manmanin na a sem uh hi.

²⁴ Judah tapa Zerah’ suante khat, Meshezabel’ tapa Pethahiah in mipite le kumpipa kikalah na khempeuh-a kizang pazang ahi hi.

²⁵ Khua neute le a lote tawh kisai-in, Judah mite pawlkhat Kiriath Arba le a kima khuaneute ah, Dibon le a khuaneute ah, Jekahzeel le a khuaneute ah,

²⁶ Jeshua ah, Moladah ah, Beth Pelet ah,

²⁷ Hazar Shual ah, Beersheba le a khuaneute ah,

²⁸ Ziklag ah, Meconah le a khuaneute ah,

²⁹ En Rimmon ah, Zorah ah, Jarmuth ah,

³⁰ Zanoah ah, Adullam le amau khuaneute, Lachish le a lote, le Azekah le a khuaneute ah a teng uh hi. Tua hi-a amaute a vekun Beersheba pan Hinnom Kuam zuatna lampi dung tengah a teng uh hi.

³¹ Geba pana Benjamin suante Michmash a tungte, Aija, Bethel le a khuaneute ah,

³² Anathoth, Nob le Ananiah ah,

³³ Hazor Ramah le Gittaim ah,

³⁴ Hadid, Zeboim le Neballat ah,

³⁵ Lod le Ono le Khutsiamte Kuam ah a teng uh hi.

³⁶ Judah gama om Levi-te pawlkhat Benjamin gamah a teng uh hi.