Misimna 26 - Zokam International Version

Misim Nihveina

¹ Pulpi khit ciangin TOPA in Moses le siampi Aaron tapa Eleazar tungah,

² "A innkuan zui-in Israel mipi buppi - paltan tum thei ding kum sawmnih pan a tungsiah khempeuh sim in," a ci hi.

³ Tua ciangin Jericho a pana Jordan kantanna Moab zanglei tungah Moses le Eleazar in amaute hopih in

⁴ "TOPA in Moses a thupiak bangin pasal kum sawmnih pan a tungsiah peuhmah sim un," a ci uh hi. Hihte, Egypt pana paikhia Israel-te ahi hi.

⁵ Reuben suante, Israel’ tapa upapente: Hanoch panin Hanoch-te bawng’, Pallu panin Pallu-te bawng’,

⁶ Hezron panin Hezron-te bawng’, Carmi panin Carmi-te bawng’ ahi uh hi.

⁷ Hihte, Reuben bawng’te hi uh a 43,730 pha uh hi.

⁸ Pallu’ tapa Eliab hi a,

⁹ Eliab tapate Nemuel, Dathan le Abiram ahi uh hi. Hih Dathan mahmah le Abiram pen mipite’ uliante in Moses le Aaron langdo in Korah le mipite in TOPA a lehdo lai-un amaute lakah a kihel uh hi.

¹⁰ Mei in mi 250 a hultum lai-in, lei kamka-a, amaute Korah tawh a valhtum khawm lai-in, a nungzuite a si uh hi. Amaute vauhilhna lim a suak uh hi.

¹¹ Ahi zongin Korah guite a si khin kei uh hi.

¹² Amau bawng’ zui-in Simeon suante: Nemuel panin Nemuel-te bawng’; Jamin panin Jamin-te bawng’; Jakin panin Jakin-te bawng’;

¹³ Zerah panin Zerah-te bawng’; Shaul panin Shaul-te bawng’ ahi uh hi.

¹⁴ Hihte Simeon bawng’te hi uh a; pasal 22,200 a pha uh hi.

¹⁵ Amau bawng’ zui-in Gad suante: Zephon panin Zephon-te bawng’; Haggi panin Haggi-te bawng’; Shuni panin Shuni-te bawng’;

¹⁶ Ozni panin Ozni-te bawng’; Eri panin Eri-te bawng’;

¹⁷ Arodi b panin Arodi-te bawng’; Areli panin Areli-te bawng’ ahi uh hi.

¹⁸ Hihte, Gad bawngte ahi hi; mi 40,500 pha uh hi.

¹⁹ Er le Onan pen Judah tapate hi uh a, ahi hangin amaute Canaan ah si uh hi.

²⁰ Amau bawng’ zui-in Judah suante: Shelah panin Shelah-te bawng’; Perez panin Perez-te bawng’; Zerah panin Zerah-te bawng’;

²¹ Perez suante: Hezron panin Hezron-te bawng’; Hamul panin Hamul-te bawng’;

²² Hihte, Judah bawng’te hi a; amaute 76,500 pha uh hi.

²³ Amau bawng’ zui-in Issachar suante: Tola panin Tola-te bawng’; Puah panin Pui-te c bawng’:

²⁴ Jashub panin Jeshub-te bawng’; Shimron panin Shimron-te bawng’ ahi uh hi.

²⁵ Hihte, Issachar bawng’te hi uh a, amaute 64,300 pha uh hi.

²⁶ Amau bawng’ zui-in Zebulun suante: Sered panin Sered-te bawng’; Elon panin Elon-te bawng’; Jahleel panin Jahleel-te bawng’ ahi uh hi.

²⁷ Hihte, Zebulun bawng’te hi uh a; amaute 60,500 pha uh hi.

²⁸ Manasseh le Ephraim pan-a amau bawng’ zui-in Joseph suante:

²⁹ Manasseh suante: Makir panin Makir-te bawng’ (Makir pen Gilead pa ahi hi) Gilead panin Gilead-te bawng’ ahi hi.

³⁰ Hihte, Gilead suante ahi hi: Iezer panin Iezer-te bawng’; Helek panin Helek-te bawng’;

³¹ Asriel panin Asriel-te bawng’; Shechem panin Shechem-te bawng’;

³² Shemida panin Shemida-te bawng’; Hepher panin Hepher-te bawng’ ahi uh hi.

³³ (Hepher tapa Zelophehad in tapa a nei kei hi; amah in tanu bek nei-a, tuate min Mahlah, Noah, Hoglah, Milcah le Tirzah ahi hi)

³⁴ Hihte, Manasseh bawng’ hi a; amaute 52,700 pha uh hi.

³⁵ Hihte, amau bawng’ zui-in Ephraim suante ahi hi: Shuthelah panin Shuthelah-te bawng’; Beker panin Beker-te bawng’; Tahan panin Tahan-te bawng’ ahi uh hi.

³⁶ Hihte, Shuthelah suante ahi hi: Eran panin Eran-te bawng’ ahi uh hi.

³⁷ Hihte, Ephraim bawng’te hi uh a; amaute 32,500 pha uh hi. Hihte amau bawng’te zui-in Joseph suante ahi uh hi.

³⁸ Amau bawng’ zui-in Benjamin suante: Bela panin Bela-te bawng’; Ashbel panin Ashbel-te bawng’; Ahiram panin Ahiram-te bawng’;

³⁹ Shupham panin Shupham-te a bawng’; Hupham panin Hupham-te bawng’ ahi uh hi.

⁴⁰ Ard le Naaman pan-a Bela suante: Ard b panin Ard-te bawng’; Naaman panin Naaman-te bawng’ ahi uh hi.

⁴¹ Hihte, Benjamin bawngte hi uh a; amaute 45,600 pha uh hi.

⁴² Hihte amau bawng zui-a Dan suante ahi hi: Shuham panin Shuham-te bawng’ ahi hi. Hihte, Dan bawng’te ahi hi.

⁴³ Amaute a vekpi un Shuham bawng’te hi uh a; 64,400 pha uh hi.

⁴⁴ Amau bawng’ zui-in Asher suante: Imnah panin Imnah-te bawng’; Ishvi panin Ishvi-te bawng’; Beriah panin Beriah-te bawng’;

⁴⁵ le Beriah suante panin; Heber panin Heber-te bawng’; Malkiel panin Malkiel-te bawng’ ahi uh hi.

⁴⁶ (Asher in tanu khat nei-a, a min Serah ahi hi.)

⁴⁷ Hihte, Asher bawng’te hi a, amaute 53,400 pha uh hi.

⁴⁸ Amau bawng’ zui-in Naphtali suante: Jahzeel panin Jahzeel-te bawng’; Guni panin Guni-te bawng’;

⁴⁹ Jezer panin Jezer-te bawng’; Shillem panin Shillem-te bawng’ ahi uh hi.

⁵⁰ Hihte, Naphtali bawng’te hi a; amaute 45,400 pha uh hi.

⁵¹ Israel pasal vekpi gawm 601,730 a pha hi.

⁵² TOPA in Moses tungah,

⁵³ "Amau min phazah bulphuhin a gouluah ding uh amau tungah leitang kihawm ding hi.

⁵⁴ A pawl tamzawte tungah gouluah tamzaw na pia dinga, a pawl tawmzawte tungah gouluah tawmzaw na pia ding hi; tua min gualhna-a a phazah tawh kizui-in a gouluah ding uh a ngah ciat ding uh hi.

⁵⁵ Ahi zongin leitang pen ai-teelna tawh kihawm ding hi. Amau pupa bawng’ min tawh kizui-in a pawlpawlin a luah ciat ding uh hi.

⁵⁶ A pawl tamzawte le a pawl tawmzawte lakah a gouluah ding uh aiteelna tawh a kihawmsak ciat ding hi," a ci hi.

⁵⁷ Hihte, amau bawng’ zui-a kisim Levi mite ahi hi: Gershon panin Gershon-te bawng’; Kohath panin Kohath-te bawng’; Merari panin Merari-te bawng’ ahi uh hi.

⁵⁸ Hihte zong Levi-te bawng’ ahi hi: Libni-te bawng’; Hebron-te bawng’; Mahli-te bawng’; Mushi-te bawng’; Korah-te bawng’ ahi uh hi. (Kohath pen Amram pu ahi hi;

⁵⁹ Amram zi min Jochebed hi-a, amah Egypt ah Levi-te pana suak Levi-te c suan ahi hi. Amah in Amram tawh Aaron, Moses le amau sanggamnu Miriam a nei hi.

⁶⁰ Aaron pen Nadab le Abihu, Eleazar le Ithamar-te pa ahi hi.

⁶¹ Ahi hangin Nadab le Abihu-te pen mei siangtho lo tawh TOPA tungah biakna a piak lai-un a si uh hi.)

⁶² Levi-te kha khat pan a tungsiah pasal khempeuh 23,000 a pha uh hi. Amaute in adang Israel-te bangin gouluah ngah lo uh ahi manin amaute tawh kisim khawm lo hi.

⁶³ Jericho pana Jordan kantanna Moab leizangte a Moses le siampi Eleazer in Israel-te a sim lai un a kisim hihte mah ahi hi.

⁶⁴ Moses le siampi Aaron in Sinai Sehnel-gam a Israel-te a sim lai-un amaute lakah hihte khat zong a kisim kha kei hi.

⁶⁵ Ahang in, TOPA in tua Israel-te sehnel-gam ah si taktak ding uh a, Jephunneh tapa Caleb le Nun tapa Joshua longal amaute khat beek om nawn lo ding uh hi, ci-a a gensa ahi hi.