Joshua 12 - Zokam International Version

Zawhsa Khuapi Phazah

¹ Hihte in Israel-te zawhsa Jordan nisuahna lama amau laksa kumpite gam hi-a, Arnon Kuam panin Hermon Vum dong le Arabah nisuahna lampang khempeuh tawh ahi hi.

² Heshbon a kumpi sem Amor-te kumpipa Sihon. Amah in Arnon Guam siik tunga om Aroer pan - guam laizang pan - Amon-te gamgi ahi Jabbok Gunpi ciang dong a uk hi. Hih sungah Gilead kimkhat kihel hi.

³ Amah in Arabah nisuahna-lam Kinnereth c Tuipi panin Arabah Tuipi (Ci Tuipi) d dong, Beth Jeshimoth ciang le tua ciang leitaw-lam pangah Pisgah mualdung kikhungsuk nuaisan dong zong a uk hi.

⁴ Tua pen Ashtaroth le Edrei a kumpi sem Rephai-te kumpi nunungte laka khat Bashan kumpipa Og gam ahi hi.

⁵ Amah in Hermon Vum, Salacah, Bashan gam khempeuh Geshur le Maacah mite gamgi ciang dong le Gilead kimkhat Heshbon kumpipa Sihon gamgi ciang dong a uk hi.

⁶ TOPA nasempa Moses le Israel-te in amaute a zo uh hi. Tuateh TOPA nasempa Moses in amaute leitang Reuben-te tung, Gad-te tung, le Manasseh beh alangte tungah a neih dingun a pia hi.

⁷ Hih a nuai-ate in Jordan nitumna lama Joshua le Israel-te zawhsa kumpi gamte hi a, Lebanon Kuam sunga Baal Gad panin Seir lama a kikhungto Halak Vum ciang hi-in (Israel behte amau beh kikhenna tawh kizui-in Joshua in a luah dingun a piak -

⁸ mualtung gam teng, nitumna lam mualbul, Arabah mual kikhungsuk, sehnel-gam le Negev ciang - Hit-te, Amor-te, Canaan-te Periz-te, Hiv-te le Jebus-te gamte ahi hi):

⁹ Jericho kumpi — khat Ai kumpi (Bethel kianga) — khat

¹⁰ Jerusalem kumpi — khat Hebron kumpi — khat

¹¹ Jarmuth kumpi — khat Lachish kumpi — khat

¹² Eglon kumpi — khat Gezer kumpi — khat

¹³ Debir kumpi — khat Geder kumpi — khat

¹⁴ Hormah kumpi — khat Arad kumpi — khat

¹⁵ Libnah kumpi — khat Adullam kumpi — khat

¹⁶ Makkedah kumpi — khat Bethel kumpi — khat

¹⁷ Tappuah kumpi — khat Hepher kumpi — khat

¹⁸ Aphek kumpi — khat Lasharon kumpi — khat

¹⁹ Madon kumpi — khat Hazor kumpi — khat

²⁰ Shimron Meron kumpi — khat Acshaph kumpi — khat

²¹ Taanach kumpi — khat Megiddo kumpi — khat

²² Kedesh kumpi — khat Carmel a Jokneam kumpi — khat

²³ Dor kumpi (Naphoth Dor) a — khat Gilgal a Goyim kumpi — khat

²⁴ Tirzah kumpi — khat a vekpi in kumpi sawmthum le khat ahi hi.