Job 2 - Zokam International Version

Job Kizia-etna Nihna

¹ A nidang khatin TOPA mai-ah vansawltakte b va om uh a, ama mai-ah Satan zong ama thu in amaute tawh va omkhawm hi.

² Tuateh TOPA in Satan kiangah, "Koi pana hong pai na hi hiam?" a ci hi. Satan in TOPA kiangah, "Leitung mun khempeuh ah vakin ka vaksuk ka vaktohna pan ka hi hi," ci-in a dawng hi.

³ Tua ciangin TOPA in Satan kiangah, "Ka nasempa Job na ngaihsun kha ngei na? Leitungah amah tawh a kibang kuamah a om kei hi; amah thutangin paubaang lo a, Pasian a kihta gamtatsia a peel mi khat ahi hi. Tua hi-a bangmah thu om lopi in amah susia dingin kei nong kut hangin a cihtakna a lenkip cinten hi," a ci hi.

⁴ Satan in, "Vun tangin vun!" ci-in dawng a, "Mi khat in a nuntakna tangin a neih khempeuh pia mah ding hi.

⁵ Ahi hangin na khut zanin a sa le a guhte suksak lecin na maitang ah hong hamsia taktak ding hi," a ci hi.

⁶ TOPA in Satan kiangah, "Tua ahileh hoih mahmah hi. Amah nang thu hi hen; pel loin a nuntakna hawisak in," a ci hi.

⁷ Tua ciangin TOPA omna pan Satan paikhia a, Job a khenuai pan a luzang dong meima na valval in a gimsak hi.

⁸ Tua ciangin Job in leibel kitam them khat la-in vut lakah a tutsa in amah le amah a kikiat hi.

⁹ A zi in, "Na cihtakna len tentan lailai na hiam? Pasian hamsiat inla si mai ve!" a ci hi.

¹⁰ Amah in, "Numei hai c khat bangin lah na pau a; Pasian tung panin a hoih sang hi lo i hi hiam? Gimna zong i san ding mah hi lo hiam?" ci-in a dawng hi. Hihte khempeuh ah a kam paunate panin Job a mawh kei hi.

Job Lawmte Thum

¹¹ Job lawmte thum, Teman mi Eliphaz, Shuh mi Bildad le Naamath mi Zophar-te in ama tunga gimna thu khempeuh a zak uh ciangin a veh ding kithukim uh a, a hehnem ding le a lungkhauhsak dingin a inn panun a kuankhia uh hi.

¹² Amah a galmuh uh ciangin a thei lai mialmial uh hi; amaute kapkhia pah lualua uh a, a puantual uh balkekin a lutunguah leivui a kitheh uh hi.

¹³ Tua ciangin amaute in sun sagih le zan sagih sung leitual ah amah a tutpih uh hi. Ama thuakna nasia lua cih mu uh ahi manin khat beek in a hopih kei uh hi.