Jeremiah 47 - Zokam International Version

Philistia-te Tawh Kisai Thupuak

¹ Hih in Pharaoh in Gaza a sim ma-a Philistia-te tawh kisai kamsangpa Jeremiah tunga TOPA kammal ahi hi:

² Hih in TOPA gen ahi hi: "Leilu lama tuite a khankhan lam mu in; amaute a letkhia tuizeu suak ding uh hi. Amaute in leitang le a sunga omte, khuapi le a sunga tengte a tuum ding uh hi. Mite kiko ding uh a;

³ sakol koptai ging awte, galte sakolleng gingte le a pei kigawi gingte hangin gamsunga tengte khempeuh a kap ding uh hi. Pate in a tate uh don zo lo ding uh a; a khutte uh zawcip ding hi.

⁴ Ahang in, Philistia-te khempeuh suksiat ding ni tungta a, Tyre le Sidon a huh thei ding a baanglaite khempeuh thahgam hun tungta ding hi. TOPA in Philistia-te le Caphtor b tuipi gei-a om lai sunte a susia ta ding hi.

⁵ Gaza in thum kawmin a lu met dinga; Ashkelon a kidaicipsak ding hi. Zanglei-a baanglaite no le no bang tanvei kiliamsuah lai ding na hi uh hiam?

⁶ "Note kapin, ‘Kalasaih, TOPA namsau bang hun teh a khawl tam maw? Na paii ah kisiat inla; khawlta-in om hithiat in,’ na ci uh hi.

⁷ Ahi hangin Ashkelon le tuipi gei sim dinga TOPA in a sawlsa, thu a piaksa ahi ciangin bangci khawl mawk ding ahi hiam?" ci hi.