Isaiah 53 - Zokam International Version

¹ Kote thupuak kua in um a, kua kiangah TOPA khut kilak ahi hiam?

² A laingek mengkhia bangin a mai-ah amah khangto a, lei keuna-a a bulsel mengkhia bang ahi hi. Eite iplah dingin melhoihna ahikeh thupina nei lo a, amah i deih nadingin kilawmna peuhmah a langkhia kei hi.

³ Mihingte in amah simmawhin nial uh a, dahna thuak mipa le haksatna thei mipa ahi hi. Mite in mu nuam loin a mai uh a humsan mipa bangin amah kisimmawh a, eite in zong i thusim tuan kei hi.

⁴ Amah in eite natna thuakin i dahnate pua takpi hi; Tua hi napi Pasian in amah satin gimsak hi, ci-in i ngaihsun hi.

⁵ Ahi hangin eite tatsiatna hangin amah kisunlet a, i tatkhialh nate hangin amah kisatnim hi; eite in lungnopna i ngah nadingin amah in dan thuaka, ama liammate hangin eite i dam hi.

⁶ Eite khempeuh tuu bangin lam i pial khin a, eima utna ciatah i pial hi; TOPA in eite khempeuh mawhna ama tungah a suan hi.

⁷ Amah kinengniamin kihingimsak napi a kam a kek kei hi; a kigo ding tuu bangin amah kipaipih a, a mul metpa mai-ah a ham lo tuu bangin a kam a kek kei hi.

⁸ Netniamna d le thukhenna tawh amah kipaipihmang hi. Tua hi-a ama suante kua in gen thei ahi hiam? Ahang in, a hingte gam pan amah kikhenkhia in; ka mite mawhnate hangin amah a kisat e hi.

⁹ Amah ngongtat loin zuauthu zong gen lo napi, migilote tawh kivuikhawm a, mihaute tawh a sikhawm hi.

¹⁰ Tua bangin kisatnima a kithuaksak ding lah TOPA deih hi a, TOPA in ama nuntakna khialhna hanga biakna-in a bawl f hangin amah in a suan le khakte mu in a nuntak hun sotsak dinga ama gamsungah a khut sungah TOPA deihna a pung ding hi.

¹¹ A hinna in a thuak khit ciangin, nuntakna g khuavak mu dinga a lungkim h ding hi; a thumaan ka nasempa in, ama theihna i tawh mi tampi dik tangsak dinga, amaute mawhna a puaksak ding hi.

¹² Tua ahi ciangin a mi liante j lakah tanh ka pia dinga, amah in mi thahatte k tawh vanlakte a hawm ding uh hi; bang hang hiam cih leh amah in sihna sungah a nuntakna sungkhia a, mimawhte tawh a kisimkhawm hi. Ahang in, amah in tampite mawhna pua a, a khialte adingin thumsak hi.