Isaiah 4 - Zokam International Version

¹ Tua ni ciangin numei sagih in pasal khat lenin, "Ko le ko ka kivak ding uh a, ko le ko puan ka kiguan ding uh hi; nang min hong puasak in. Ka minsiatna uh hong hepmangsak in!" ci ding uh hi.

TOPA ’ Hiang

² Tua ni ciangin TOPA Hiang melhoih in minthang dinga, leitung pana piang gahte, a suakta lai Israel-te kiphatsakpih le a minthanna uh ahi ding hi.

³ Jerusalem ah a teng laite khempeuh lakah Zion-a a kinusiate le Jerusalem a, a omlaite a siangtho-in kiciamteh ding hi.

⁴ Topa in Zion numeite kihhuaina silsak a, Jerusalem a sisan luanna teng thukhenna kha a le mei kha b in a siangthosak hi.

⁵ Tua ciangin TOPA in Zion Vum tunga kikhawm mihonpite tungah sunin meikhu meii-in kaisak dinga zanin meikhuam bawlsakin amaute khempeuh vangliatna-in a kithuahpih ding hi.

⁶ Tua in nisa pana kiliahna le niliap hi dinga huihpi guahpi pana belhna le bukna ahi ding hi.